Rona nin Iraking Kurdistan

Gikan sa Bikol Sentral na Wikipedia, an talingkas na ensiklopedya
An wagayway kan Iraking Kurdistan
An teritoryo kan mga Kurdo: mairom na pula, opisyal na binibistong teritoryo; pulang mapu'saw, sinakop kan Kurdo; mas mapu'saw na pula, hinihingako kan mga Kurdo; puti, an teritoryong tada kan Irak
Erbil, an kabisera

An Rona' nin Iraking Kurdistan (Kurdo: باشووری کوردستان‎, Başûrê Kurdistanê; Arabo: كردستان الجنوبية‎, Kurdistān al-Janūbiyyah), opisyalmente inaapod na Kurdistan Region 5 (Kurdo: هه‌رێمی کوردستان‎, Herêmî Kurdistan; Arabo: إقليم كردستان‎, Iqlīmu Kurdistān) iyo an nasosolong autonomong rona kan Irak. Napapagdolonan kaini kan mga ronang Kurdo sa Iran sa bandang subangan, Turkiya sa amnayan, asin Sirya sa solnopan, asin sa kalabaan kan Irak sa habagatan. An kabisera kaini yaon sa Erbil. An rona na ini opisyalmente pinapadalagan kan Gobyerno Rehiyonal nin Kurdistan (GRK).[1]


An Kurdistan sarong demokratikong parlamento na may asambleya binibilog nin 111 tukawan. Si [[Masoud Barzani, na enot nang naelehir presidente kan 2005, liwat napiling magtukaw sa dating katongdan kan 2009. Kan Agosto 2013 an parlamento pighunat an saiyang pagtukaw nin duwa pang taon. An saiyang pagkapresidente natapos kan Agosto 19 2015 kan dai magkaoroyon an mga partido pulitikal kun baga ipadagos pa an saiyang pagtukaw sa pwesto. An bagong konstitusyon Iraki pigsayod na an Kurdistan Iraki sarong entidad federal kan Irak, asin tuyong tinogdas na an Kurdo asin Arabo iyo an opisyal na mga lenggwahe kan nasyon Irak. An apat na gobyernante nin Duhok, Hawler, Silemani asin Halabja binibilog nin mga 41,710 kwadrado kilometro (16,100 milya kwadrado) asin igwang populasyon na 8.35 milyon (2010). Kan 2014, durante kan Krisis nin Irak 2014, an pwersa kan Kurdistan Irak sinakop an haros kahiwasan kan teritoryong hinihinako kaini sa Iraking amnayan na dai binibistong sainda kan gobyerno nasyunal nin Irak.


An Kurdo hayag na pigsasabi na an kadakulaan asin kahiwasan kan Kurdistan Irak (Kurdistan habagatan) saro sana sa apat na kabtang kan mas dakulang Kurdistan, na kabali daa an ibang parte na namomogtak sa habagatan-subangan kan Turkiya, amnayan Sirya (Kurdistan solnopan) asin solnopan Iran (Kurdistan subangan) na syempre ining kataraid na mga nasyon dai tinutugot na butsan bilang parte integral kan mga teritoryo ninda dawa ngane totoo an mga nagbabanwa sa mga lugar na ini mayoriya mga etnikong Kurdo.



Mga panluwas na takod[baguhon | baguhon an source]

Toltolan[baguhon | baguhon an source]