Rufus Sibley
Si Rufus Adams Sibley (1841–1928) sarong Amerikanong negosyante, midbid bilang kagtugdas kan Sibley, Lindsay & Curr Company department store sa Rochester, New York.
Biograpiya[baguhon | baguhon an source]
Si Sibley namundag sa Spencer, Massachusetts kan Desyembre 3, 1841.[1] Kan matapos niya saiyang edukasyon sa mga eskwelahan publika sa Spencer siya nagtukdo nin duwang taon, sa edad na 16 pagpoon. Dangan siya nagtrabaho sa groserya bilang ahente asin bookkeeper. Sa edad na 22 nagtrabaho siya bilang bookkeeper sa sarong tindahan nin telahan sa Boston. Kan siya yaon duman, nabisto niya sinda Alexander Lindsay asin John Curr na saiyang nagin kabakas sa negosyo. An tolo nagbilog nin barakasan na inapod na Sibley, Lindsay & Curr asin nagbukas nin sadit na tindahan sa Rochester apod "The Boston Store". Ngapit binago an pangaran sa "Sibley, Lindsay & Curr Company." Si Rufus Sibley iyo an presidente kan kompanya poon 1868 sagkod na nagretiro siya kan 1924. Siya nagadan sa Rochester kan Mayo 12, 1928, asin ilinubong sa Mount Hope Cemetery.[2]
Toltolan[baguhon | baguhon an source]
- ↑ Eliot, Samuel Atkins, ed. (1918). Biographical History of Massachusetts. IX. Boston, Massachusetts: Massachusetts Biographical Society. Retrieved 2022-06-19 – via Internet Archive.
- ↑ Marks, Hiram (May 13, 1928). "Rufus Sibley Dies in His 87th Year; Founder of Sibley, Lindsay & Curr". Democrat and Chronicle: pp. 1, 3. https://www.newspapers.com/clip/104025819/rufus-adams-sibley-dies-in-his-87th/. Retrieved on 2022-06-19.
