Russell M. Nelson
Si Russell Marion Nelson Sr. (namundag Septyembre 9, 1924) sarong Amerikanong lider nin relihiyon, sarong siruhano, autor asin presente iyo an ika-17ng pamayo asin sinasabing propeta kan An Simbahan ni Jesukristo nin mga Banal sa Huring-aldaw. An kaapil sa simbahan na ini popular na inaapod na Mormon.[1]
Pamilya
[baguhon | baguhon an source]Namundag Septyembre 9, 1924, si Nelson aki na Marion C. Nelson asin Edna Anderson Nelson. Siya nagkaigwa nin 10 aki sa dati niyang agom na si Dantzel White. Ini nagadan kan Pebrero 2005. Kan Abril 2006, saiyang inagom si Wendy L. Watson.[2]
Edukasyon/Karera
[baguhon | baguhon an source]Si Dr. Nelson nagtapos kan saiyang kurso sa medisina sa University of Utah (1945, 47). Nagsirbe siya kan saiyang residensya sa surihiya sa Massachusetts General Hospital sa Boston asin sa University of Minnesota, kun saen niya nakamit an Ph.D. Degree niya kan 1954. Nakamit niya man an mga honorary degree sa Doctor of Science haleng Brigham Young University kan 1970, Doctor of Medical Science haleng Utah State University kan 1989, asin Doctor of Humane Letters sa Snow College kan 1994.[3]
Sa saiyang trabaho nagin siyang research professor sa siruhiya asin direktor sa Thoracic Surgery Residency kan University of Utah asin man nagin pamayo kan Division of Thoracic Surgery sa LDS Hospital sa Salt Lake City.[4][5]
Mga katukdoan
[baguhon | baguhon an source]Si Dr. Nelson nagsurat nin magkapirang mga libro nin mga katokdoan siring kan mga minasunod: The Book of Mormon- What Would Your Life Be Like without It, Drawing the Power of Jesus Christ into Our Lives, Joy and Spiritual Survival, The Price of Priesthood Power, A Plea to My Sisters[6]
Mga onra
[baguhon | baguhon an source]- Distinguished Alumni Award, hale sa University of Utah
- Heart of Gold Award, hale sa American Heart Association
- Sertipiko nin International Service, hale sa American Heart Association
- Golden Plate Award, hale sa American Academy of Achievement
