Sándor Bihari

Si Sándor Bihari (19 Mayo 1855, Rézbánya – 28 Marso 1906, Budapest) sarong Hunggarong pintor genero.

Buhay[baguhon | baguhon an source]

Namundag sa pamilyang Hudyo, si Sándor sa saiyang pagkaaki nagpirmi sa Nagyvárad. Dati, siya nagtrabaho sa saiyang ama bilang pintor dekoratibo. Kan 1874, naghubo siya sa Budapest, kun saen gibo niya pagreretoke sa sarong studio potograpo mantang siya nag'atender sa sarong eskwelahan sa pagdrowing pinapadalagan ni Bertalan Székely.^[1] Duwang taon pakalihis, siya naghubo sa Vienna, na duman linalaoman niyang maka-enrol sa Academy of Fine Arts. Enot naghanap ngona siyang trabaho bilang pararetoke asin ta igdi kuta siya mahahaloy kun dai siya nakaresibi nin regalo na 600 na Forint hale ki Székely, na iyo an ginamit niya pag-enrol sa Academy.^[1]

Siya nagbalik sa sadiring lugar kun saen naglapigot tolong taon paggigin portrait painter hasta igwang patron siyang nakagusto sa saiyang trabaho nagtabang saiya na siya makaadal sa Paris. Siya nagpasiring duman kan 1883, asin nag'adal duman sa Académie Julian sa pagmamato ni Jean-Paul Laurens^[1] asin ta naparahay niyang gayo saiyang teknik paagi nin pagkopya kan mga Old Masters sa Louvre. Manta yaon duman, siya nagin pamilyar kan inaapod na plein-air na pagpintura asin kan Impressionismo, na iyo nanggad an dakulang impluwensya sa saiyang estilo. Pagbalik sa Hunggariya, siya nagpirmi sa Szolnok, sarong popular na tiponan kan mga pintor, na ngapit siya nagin saro sa kagpundar kan kolonya sa arte duman.

Dagos siya sa pagbyahe, haloy siya naggabay sa Italya urog na, sagkod na an saiyang hawak nagkahelang kan 1893.^[1] Durante kan mga ultimong taon niya, siya nagpirmi sa Budapest pero pag tig-init yaon siya sa Szolnok. Kan 1896, siya nata'wan premyo kan Order of Franz Joseph.