Sabah

Gikan sa Bikol Sentral na Wikipedia, an talingkas na ensiklopedya
Wayaway kan Sabah
Mosque kan Kota Kinabalu

An Sabah iyo an estado kan Malaysia na namumugtak sa pinakasubangan na gampi kan isla nin Borneo. Saro ini sa mga kagmuknang myembro kan pederasyon nin Malaysia kaiba an Kolonya kan Sarawak, Singapura, (nagsadiri kan 1965) asin an Pederasyon kan Malaya.

Etimolohiya[baguhon | baguhon an source]

Dai nin nakakaaram sa pinaghalian kan ngaran kan Sabah. Gulpi nin mga teorya na nagbutwa susog kaini. An sarong teorya, kan panahon na ini parte pa kan Bruneian Sultanate, pinagmidbid ini bilang Saba huli sa pagigin presente kan klase nin batag na an apod pisang saba(bistado man bilang pisang menurun). Ini nagtatalubo sa parteng gayo kan kostal na rehiyon sa Brunei. An komunidad kan Bajau pinagbisto man ini billang pisang jaba. Mantang an ngaran na Saba kapareho man an boot sabihon sa mga Tagalog asin Bisaya bilang sarong klase nin batag, an tataramon na ini sa Bisayas nangangahulugan man bilang "noisy" o maribok. Baad huli sa lokal na dialekto, an tataramon na Saba pinagtataram man bilang Sabah sa lokal na komunidad. Mantang an Brunei basal na estado kan Majapahit, an gurang na Javanese na eulohiya kan Nagarakretagama na pinaglaladawan man bilang lugar na ngunyan pinagmimidbid bilang Sabah o Sebulang.[1][2]

Toltolan[baguhon | baguhon an source]

  1. Danny Wong Tze Ken (2015). "The Name of Sabah and the Sustaining of a New Identity in a New Nation" (PDF). University of Malaya Repository. Archived from the original (PDF) on 25 February 2016. Retrieved 25 February 2016
  2. Origin of Place Names – Sabah". National Library of Malaysia. 2000. Archived from the original on 9 February 2008. Retrieved 3 June 2010.