Saber (Fate/stay night)

Saber (Hapon: セイバー, Hepburn: Seibā) na an tunay na ngaran Artoria Pendragon (アルトリア・ペンドラゴン, Arutoria Pendoragon)) (alternatibo, Altria Pendragon), sarong piksyonal na karakter gikan sa 2004 nobelang biswal na Hapon na Fate/stay night kan Type-Moon. Si Saber sarong eroeng guerrero na ipinaapod nin sarong tinedyer na si Shirou Emiya tanganing makikabtang sa guerra kan mga Masters asin Servants na nakikipaglaban tanganing maabot an saindang pangatorogan gamit an mitikal na Holy Grail. An relasyon ni Saber sa iba pang karakter kan estorya nakadepende sa mga desisyon kan parakawat; siya nagin love interest ni Shirou sa enot na ruta kan nobela asin protagonistang servant, sarong nagsusuportar na personahe sa ikaduwang ruta, asin an kontrabidang inaapod na "Saber Alter" (セイバー・オルタ, Seibā Oruta) sa ikatolong ruta.

Si Saber sarong maliksi asin makosog na parapakilaban na maimbod, independiente, asin matimpi; siya garo baga indiperente sa emosyon alagad talagang pinopogolan an saiyang mga saboot para magkonsentrar sa saiyang mga pasohan. Yaon man siya sa light novel na Fate/Zero, na kun saen iyo siya an servant kan nag-aataman kay Shirou na si Kiritsugu Emiya durante kan nakaaging Holy Grail War, asin sa sequel na Fate/hollow ataraxia. Si Saber nagluwas man sa mga imprentado asin animated na pag-aadaptar kan nobela, pigpakaray otro an saiyang papel sa kawat.

Si Saber minukna ni Kinoko Nasu pakatapos na an nangengenot na ilustrador kan serye nagsuherir na magkaigwa nin sarong protagonistang babayi na naka-armor para sa nobelang biswal; nagkomento an parasurat na si Gen Urobuchi dapit sa saiyang karakter na nagigin mas maitom depende sa mga situwasyon. Pigmukna ni Urobuchi an saiyang senaryo manungod ki Saber asin Kiritsugu ta dikit sana an nalibot kan saindang relasyon sa orihinal na nobelang biswal. Si Saber tinawan boses niAyako Kawasumi sa saiyang mga hitsurang Hapon, asin dakol na aktres an nagtaong boses para sa Ingles na dub kang animated na adaptasyon kan serye.

An kritikal na pag-ako sa karakter asin papel ni Saber sa serye asin an saiyang relasyon ki Shirou nagin positibo nanggad. An saiyang karakterisasyon asin an relasyon niya sa mga personahe sa Fate/Zero nakakua man nin positibong tugon. Alagad, an kakulangan sa pokus sa karakter ni Saber sa anime adaptation na Unlimited Blade Works nakaguno nin iba-ibang reaksyon. Saro pa, si Saber nagin popular sa laog kan seryeng Fate asin sa anime sa pankagabsan.

Backstory kan karakter

Si Saber nakabase ki Hadeng Arthur Pendagon, sarong osipon na Briton na lider na, susog sa mga kasaysayan asin romansa, iyo an nangenot sa pagdepensa nin Britanya laban sa mga mananakop na Saxon kan kahurihan kan ika-5 asin kaamayan kan Ika-6 na siglo.

An tunay na pangaran ni Saber iyo an Artoria Pendagon (minsan pigsusurat bilang Altria, Arthuria o Arturia). Nainspirar an karakter kan mga osipon ni Hadeng Arthur. Kan siya mamundag, si Uther nagdesisyon na dai ipaisi sa publiko an pagkamundag o kasarian ni Artoria, huling natatakot sinda sa saiyang mga sakop na dai aakoon an sarong babae bilang lehitimong namamahala. Si Merlin pinagkatiwala si Artoria ki Sir Ector, sarong maimbod na kabalyero na nagpapadakula saiya bilang aki niyang lalaki. Kan si Artoria kinse anyos, si Hadeng Uther nagadan, na dai aram kun isay pwedeng magmana kan trono. An Britania minalaog sa panahon nin kariribokan pakatapos kan nagdadakulang peligro kan pagsalakay kan Mga Saxon. Si Merlin nagdolok ki Artoria, na ipinaliliwanag na an mga Britano mimidbidon siya bilang sarong itinalagang namamahala kun saiyang maaalsa an Caliburn, sarong espadang seremonyal, hale sa gapo kung sain ini nakatanom. Minsan siring, an pag-alsa sa espadang ini nangangahulogan nin pag-ako kan mga kasakitan nin sarong monarka; si Artoria magigin responsable na papagdanay kan ikararahay kan saiyang banwaan. Daing pag-duwa asin sa ibong kan saiyang kasarian, naalsa niya an Caliburn asin nagin hade kan Britanya. An mga kabalyerong nakakaaram sana kan katotoohan sa saiyang kasarian, iyo an saiyang kag'ampon na tugang, si Sir Kay, asin an sekretaryo kan hade, si Sir Agravain.