Salah Abdeslam

Gikan sa Bikol Sentral na Wikipedia, an talingkas na ensiklopedya
Si Salah ABdeslam nadakop sa sirip kan CCTV

Si Salah Abdeslam (Pakasayod sa Pranses: ​[ˈsala ˌabdɛslã]; namundag 15 Septyembre 1989) sarong namundag-Belhika, syudadano nin Pransya alagad dugong Moroko na soboot sarong teroristang akusado sa mga krimen sa Pransya. Susog sa pulis asin mga awtoridad nin gobyerno, siya personalmente imbwelto sa mga atake sa Paris kan 13 Nobyembre 2015 huli ta siya nagtaong lohistikal na suporta sa mga kriminal, manta na siya an naghatod sa mga lokasyon na tinarget, asin imbwelto sa paggibo kan mga explosive na ginagamit sa mga akto nin terorismo. Sa mga pagbobomba sa Paris, 130 tawo an nagkagaradan, asin 368 an nagkarulugadan.

Kan an mga detalye kan atake sa Paris napubliko, siya pigsambit sa mga peryodiko bilang Enemigo Publiko Nu. 1 o bilang "the most wanted" para sa mga krimen kan mga awtoridad sa bilog na Europa. Ta siya padulag-dulag na, siya nagin target kan dakulaon na paghahanap sa modernong historya sa Europa. An Euiropol yaon sa lista si Abdeslam bilang pinakawanted sa bilang nin 57 indibidwal hinahanap kan organisasyon poon pa kan enero 2016.

Si Abdeslam sinasabing may pakikitrato sa mga agit-agitan na myembro kan organisasyon nin Islamic State of Iraq and Levant na nag'ako nin respnsibilidad sa mga atake sa Paris. Sa mga imbwelto sa paggibo kan krimen nin pagbomba, si Abdeslam asin Mohammad Abrini na sana an nabubuhay pa ta idtong iba naggaradan sa sadiri o nabadil-gadan kan mga pulis.

Paka'ayaw nin apat na bulan na padulag-dulag, si Abdeslam naaresto kan mga anti-teroristang grupo nagsurod sa lugar nin Molenbeek nin Brussels kan Marso 18, 2016.


Mga panluwas na takod=[baguhon | baguhon an source]

  • [1] Mga teroristang linalapag kan pulis. Kinua 21-3-16
  • [2]Mga istorya manongod ki Abdeslam. Kinua 21-3-16.


Toltolan[baguhon | baguhon an source]