Salog Ural

Ural
The river Ural from an airplane between Uralsk and Atyrau, Kazakhstan
Kazakhstan, Russia
Magnitogorsk, Orsk, Novotroitsk, Orenburg, Oral, Atyrau
Pinagkukuanan
- kinamumugtakan	Ural Mountains
Bunganga	Caspian Sea
- tagboan	46°53′N 51°37′E
Laba	2,428 km (1,509 mi)
Sukol kan basin	231,000 km2 (89,000 sq mi)
Diskarga
- katampatan	400 m3/s (14,000 cu ft/s)
Mga pigpapahiling kan basin
Ramsar Wetland
Opisyalmenteng Pangaran	Ural River Delta and adjacent Caspian Sea coast
Pigdisignar	10 March 2009
nu. nin tagboan	1856

An Ural, midbid man bilang Yaik /ˈjaɪk/, iyo an sarong salog na nagbubulos sa Russia asin Kazakhstan sa kontinental na kasagkoran sa pag-ultanan kan Europa asin Asya. Guminikan iyan sa habagatan na Kabukidan Ural asin nagluluwas sa Dagat Caspian. Sa 2,428 kilometres (1,509 mi), iyo iyan an ikatulong pinakahalabang salog sa Europa pagkatapos kan Volga asin kan Danubio, asin an ika-18 pinakahalabang salog sa Asya. An Ural kombensyonal na pigkonsidera na kabtang kan kasagkoran kan mga kontinenteng Europa asin Asya.

Namumugtak an Ural harani sa Bukid Kruglaya sa Kabukidan Ural, nagbubulos pahabagatan katupong asin solnopan kan Tobol na nagbubulos pasiring sa amihanan, sa paagi kan Magnitogorsk, asin sa palibot kan habagatan na puro kan Urals, sa paagi kan Orsk kun saen minasiko iyan pasiring sa solnopan nin haros 300 kilometres (190 mi), pasiring sa Orenburg, kun saen an salog kan Sakmara minaubay. Poon sa Orenburg nagpapadagos iyan pasiring sa solnopan, nag-aagi sa Kazakhstan, dangan pasiring giraray sa habagatan sa Oral, asin nagbubulos sa paagi nin sarong mahiwas na lapnap na kapatagan sagkod na umabot iyan sa Caspian dikit na kilometro sa ibabaw kan Atyrau, kun saen iyan minaporma nin pinong 'digitate' (garo poon nin kahoy) delta.