Jump to content

Samgyeopsal

Gikan sa Bikol Sentral na Wikipedia, an talingkas na ensiklopedya
Samgyeopsal
Alternatibong ngaranSamgyeopsal-gui
Inihaw na tulak nin orig
KlaseGui
Ginikanang lugarKorea
Katakod na nasyunal na lutoLutong Koreano
Pangenot na salakTulak nin orig
Samgyeopsal
Hangul삼겹살
Hanja三겹살
Pigrebersong Romanisasyonsamgyeop-sal
McCune–Reischauer[samgyŏp-sal] error: {{transl}}: unrecognized transliteration standard: mr (help)
IPA[sam.ɡjʌp.s͈al]
Hangul삼겹살구이
Hanja三----
Pigrebersong Romanisasyonsamgyeop-sal-gui
McCune–Reischauer[samgyŏp-sal-gui] error: {{transl}}: unrecognized transliteration standard: mr (help)
IPA[sam.ɡjʌp.s͈al.ɡu.i]

An samgyeopsal (삼겹살; lit. tolong-lebel na karne), samgyeopsal-gui (삼겹살구이), o inihaw na tulak nin orig iyo sarong klase nin gui (inihaw na luto) sa lutong Koreano.

Uusipon[baguhon | baguhon an source]

Etimolohiya[baguhon | baguhon an source]

Direktang pigpalis gikan sa Koreano, an samgyeop-sal (삼겹살) may boot-sabihon na "tolong lebel na karne," na dapit sa mga manipis na linya kan daeng-taba na karne asin taba kan tulak nin orig na may tolong lebel na hitsura kapag ginupit.[1][2]

Ini an parte kan tulak sa irarom kan loin hali sa ikalimang ribs o ikaanom na ribs hasta sa hind limb.[3] Sa Korea, an taramong samgyeop-sal, boot-sabihon "tulak nin orig", iyo harus dapit sa samgyeop-sal-gui (inihaw na tulak nin orig), sa kaparehas na paagi an taramong galbi, boot-sabihon "ribs", iyo harus dapit sa galbi-gui (inihaw na ribs nin baka). An gui iyo dapit sa inihaw, pighurno, o inihaw na mga luto.

Mahahanap man an ogyeopsal (오겹살), na igwang o boot-sabihon "lima" asin "gyeop" boot-sabihon "lebel". An Ogyeop-sal kabali an parte nin palnit kan tulak nin orig, dae aruga sa samgyeop-sal kun sain an palnit iyo hinali.

Paggamit kan ngaran[baguhon | baguhon an source]

An pinakaenot na pagsambit sa lutong kane iyo sa artikulo kan Donga-ilbo na napublikar kaidtong Nobyembre 3, 1984, na may titulong "How to Distinguish Between Good and Bad Meat", kun sain an luto iyo inapod bilang "segyepsal (세겹살)" imbes na samgyeopsal.[4] An taramong samgyeopsal nagin laog sana para sa Standard Korean Language Dictionary pakatapos kan 1994.[5] An huring pagsambit kan "segyeopsal" iyo sa sa rong artikulo kaidtong 1974.[4]

Pagluto[baguhon | baguhon an source]

Samgyeopsal sa ihawan gamit an uring
An lutong samgyeopsal na piggigiris gamit an gunting

Preparasyon[baguhon | baguhon an source]

Mga mahibog, matabang giris kan tulak nin orig,[6] minsan igwa pa nin tadang palnit asin minsan pig-iskoran pa sa diyagonal,[1] an pig-iihaw sa sarong ihawan sa lamesa nin kakanan, sagkod uring o convex gas burners.[2][7] Harus, an mga nagkakakan pig-iihaw an karne nin sadiri ninda, pigpapabalentong asin piggigiris an mga ini gamit an mga tong asin gunting, asin pigkakakan diretso gali sa ihawan.[1][2][6]

An karne iyo harus dae pigmamarinate o pigrerekadohan, alagad an marinated na samgyeopsal sa mga namit arug kan ginseng, wine, bawang, herbs, curry, doenjang, asin gochujang iyo nakaguno nin kasikatan poon sa kataposan kan 2000s.[2][8] An mga giris kan bawang, sibulyas, green chili peppers, kabute, asin kimchi iyo harus pig-iihaw kasabay gamit an taba hali sa tulak kan orig.[1][2][7]

Pagkonsumo[baguhon | baguhon an source]

An inihaw na karne iyo pigkakaag sa presko asin/o binurong dahon nin gulay, na may pirang ssamjang, asin pinakaikot para makagibo nin ssam (taklob) na pigkakakan sa sarong ungitan.[7] Pwede man magdagdag nin iba pang mga rekado segun sa kamawotan, kun sain an pinakapopular iyo an piggiris na bawang.[2]

An maluto, stews arug kan kimchi-jjigae asin doenjang-jjigae, pati naman an naengmyeon (malipot na noodles), pwedeng maisirbe bilang kasabay kan panira.[1] Minsan, an natatadang karne iyo pigsasalak sa maluto, gim-garu (seaweed flakes), asin mga rekado para makagibo nin bokkeum-bap (prinitong maluto) sa kataposan.

An samgyeopsal iyo harus sinasabayan nin soju.[2][6][7][9][10] An somaek, sarong simpleng cocktail na nagibo sa pagsalak nin soju sa serbesa, iyo sarong popular na inomon na pigkokonsumo kaiba an samgyeopasal.[6]

Popularidad[baguhon | baguhon an source]

Sa Sur na Korea, an ikatolong aldaw nin Marso an "Aldaw nin Samgyeopsal", huli sa tolong lebel na komposisyon kan samgyeopsal.[11]

Iriistorya kan puripikadong kalidad kan samgyeopsal[baguhon | baguhon an source]

Igwa nin iriistorya sa Sur na Korea na an pagkakan kan samgyeopsal iyo nagpoprotekta sa mga tawo laban sa polusyon nin ere sa paagi nin mga partikulado (minsan pigpapalis bilang pinong alpog 미세먼지 sa Koreano).[12][13] Ini iyo pinagtutubudang gikan sa mga praktis kan mga Koreanong minero pakatapos magkakan nin karne nin orig pakatapos kan magabat na operasyon nin pagmina.[13] Kabaliktadan kan mga iriistorya, an samgyeopsal iyo nakakatabang sa absorpsyon kan mga kimikal sa mga partikulado na natutunaw sa lana.[12]

Toltolan[baguhon | baguhon an source]

  1. 1.0 1.1 1.2 1.3 1.4 Sula, Mike (26 October 2016). "Delight in the belly of the beast at Pro Samgyubsal". Chicago Reader. https://www.chicagoreader.com/chicago/korean-barbecue-pro-samgyubsal-pork-belly-northbrook-samgyeopsal/Content?oid=24085840. 
  2. 2.0 2.1 2.2 2.3 2.4 2.5 2.6 Gold, Jonathan (28 July 2011). "Jonathan Gold Reviews Palsaik Samgyeopsal". LA Weekly. http://www.laweekly.com/restaurants/jonathan-gold-reviews-palsaik-samgyeopsal-2171496. 
  3. "삼겹살". terms.naver.com (in Korean). Retrieved 2021-04-03. 
  4. 4.0 4.1 "[백 투 더 동아/11월3일]삼겹살과 한국 사람은 언제부터 사랑에 빠졌을까". date=2017-11-02. 
  5. "삼겹살". tongyeong sinmun. 
  6. 6.0 6.1 6.2 6.3 Whitten, Richard (8 February 2017). "Tour Guide: Seoul, South Korea". Paste. Archived from the original on 16 February 2018. https://web.archive.org/web/20180216204459/https://www.pastemagazine.com/articles/2017/02/things-to-do-seoul-south-korea-music-sports-food.html. Retrieved on 2 November 2021. 
  7. 7.0 7.1 7.2 7.3 Chandler, Michael Alison (29 April 2011). "Smart Mouth: A marathon of Seoul food, just the way Koreans do it". The Washington Post. https://www.washingtonpost.com/lifestyle/travel/smart-mouth-a-marathon-of-seoul-food-just-the-way-koreans-do-it/2011/03/22/AFDoEcFF_story.html. 
  8. Tan, Karen-Michaela. "The new colour thing: Korean rainbow pork". The Star. https://www.thestar.com.my/lifestyle/food/eating-out/2014/04/05/the-new-colour-thing-korean-rainbow-pork/. 
  9. Kim, Violet (13 July 2017). "Best Korean dishes: 40 foods we can't live without". CNN Travel. https://edition.cnn.com/travel/article/best-korean-dishes/index.html. 
  10. Cumming, Ed; Fox, Killian; Grundy, Gareth; Hayward, Tim; Tait-Hyland, Molly; Jenkins, Allan; O'Neill, Holly; Madigan, Andrew; et al.. "The 5th annual OFM 50: What we love about food in 2017". The Guardian. https://www.theguardian.com/lifeandstyle/ng-interactive/2017/feb/19/the-5th-annual-ofm-50-what-we-love-about-food-in-2017. 
  11. Kim, Jeong-pil; Kim, Hyo-jin (3 March 2015). "Consumption of tasty pork belly bulge on its special day". The Hankyoreh. http://english.hani.co.kr/arti/english_edition/e_business/680562.html. 
  12. 12.0 12.1 "황사에는 삼겹살?… "NO"". Chosun ilbo. 
  13. 13.0 13.1 "Behind the Myth: Pork". Gwangju News. 2014-04-29.