Samu Börtsök
Si Samu Börtsök (15 Marso 1881, Tápiószele - 19 Hunyo 1931, Budapest) sarong Hunggarong pintor nin mga ta'nawon.
Biograpiya
[baguhon | baguhon an source]Siya nagpoon sa pag'adal nin leyes, alagad naglipat sa arte asin nagin estudyante ni István Réti sa Nagybánya artists' colony (ngonyan, Baia Mare, Romania), kun saen siya naimpluwensya man ni Simon Hollósy. Kan imbyerno nin 1905, siya nagtrabaho sa eskwelahan pribado ni Károly Ferenczy. Sunod na taon siya nagbyaheng pag'adal sa Paris, Vienna asin Munich.[1] Pakalihis duwang taon, siya nagpaeksibit na.
Kn 1908, nagbalik siya sa Nagybánya, duman na nag'estar asin saro siya sa enot na nagbukas nin permanenteng studio, dawa totoo padagos siyang magpintura plein-air siring kan ginigibo kan ibang artista. Tolong taon makaagi, nagin siyang Bise Presidente asin Ehekutibong Pamayo kan Nagybánya Painter's Society.[1] Kan 1912, siya asin si Réti nagmukna kan enot na katalogo nin eksibisyon sa Nagybánya. Sampolong taon pa nakaagi, si Reti pinagsonsonan siyang maggibo nin direktoryo biograpikal kan mga artista sa lugar ninda.[1] Siya nangagin man sarong maestro sa lokal na eskwelahan sa arte kan 1925.
Kan mga sunod na taon nagpoon na siyang maghelang-helang. Kan siya hubin pa pa'no, kan myembro siya sa Hussar, siya napaulanto sa pagkakabayo asin ining kabayo nadatogan na gayo siya sa tulak. Poon kaidto, siya nagpoon nang magmate nin mga helang-helang na ngonyan nagrarandan na baga. Kan 1930, pinaghubo niya saiyang pamilya sa Budapest sa tuyong makahanap nin mas marhay na pagbulong kan kamatean, alagad kan 1931 siya nagadan asin soboot huli sa problema sa baga.[1] An saiyang balo napiritan ipabarakal saiyang mga pintura sa pagbayad kan mga kautangan.
Toltolan
[baguhon | baguhon an source]- ↑ 1.0 1.1 1.2 1.3 Samu Börtsök @ Képzőművészet Magyarországon (Fine Arts in Hungary)
Mga dagdag na basahon
[baguhon | baguhon an source]- István Réti, Géza Csorba. Nagybányai művésztelep. Fourth edition, Vince Kiadó, 2004 ISBN 963-95520-5-4
- Nóra Aradi, editor-in-chief, A magyarországi művészet története (Hungarian Art History) Volume 6: 1890–1919 (editor: Lajos Németh), Akadémiai Kiadó, Budapest, 1985, ISBN 963-05-2544-5
Mga panluwas na takod
[baguhon | baguhon an source] |
An Wikimedia Commons igwa nin medya dapit sa Samu Börtsök. |
