San Diego (bapor)
An galyon na San Diego tinugdok bilang sarong bapor na merkantil na dati darang pangaran San Antonio alagad ini dali-dali pinagliwat na magin boke de gera kan Armada Espanyol. Kan Desyembre 14, 1600, an San Diego, dusok-dusok sa armas asin mga merkansya nakipagbokbokan sa boke de gerang Olandes na Mauritius sa pagpapamayo ni Almirante Olivier van Noort. Nangyari an sagupaan harani sa Isla Fortune, Nasugbu, Filipinas. Palibhasa an San Diego sobrang gabat huli sa dara niyang mga kanyon, ini medyo tagilid ata ngani an mga labot kan kanyon mas hababa sa lebel kan dagat. An San Diego pati tinamaan tolos asin dai ngani nakasimbag putok, ini luminubog tolos.[1] An mga Olandes ipinag'usip na pigbabaradil asin piggagarod mga tripulante kan San Diego na nagngata' kuta na magsangkay sa Mauritius.
Pakalihis haros 400 na taon, an rugba kan San Diego nadukayan sa irarom kan dagat [2]kan 1992 kan si Pranses na arkeologo maritimo na si Frank Goddio.[3] Total na bilang na 34,407 na artifaks an nabawe pa sa bapor na rugba', mala ta an nagkakurua mga porselanang Tsino, mga katanang Hapon, mga kanyon na Portuges asin mga Mehikanong mga takal.[4] An katiriponan na ini pigkaag sa eksibisyon asin ipigbyahe sa bilog na kinaban bago ini permanente nang isinaray sa Museo Nasyonal nin Antropolohiya igdi sa Manila, Filipinas.[5] An Museo Naval nin Madrid nagtampok man kan siring na display.[6]
Bibliograpiya
[baguhon | baguhon an source]- Buhain, Jose M. (1994). "The Recovery of the San Diego". Philippine Studies 42 (4): 539–549. https://philippinestudies.net/ojs/index.php/ps/article/view/977.
- Desroches, Jean-Paul, ed. (1994). Treasures of the San Diego. New York: AFAA. – catalogue of the exhibition
- Goddio, Franck (1994). "San Diego: An Account of Adventure, Deceit, and Intrigue". National Geographic. Vol. 186 no. 1. pp. 34–56.
Mga panluwas na takod
[baguhon | baguhon an source]- Istorya kan bokbokan sa pag'ultan kan San Diego asin kan Mauritius, sa VOC Shipwrecks
Toltolan
[baguhon | baguhon an source]- ↑ Spate, O. H. K. (1983). Monopolists and Freebooters. London: Croom Helm. ISBN 0-7099-2371-6.
- ↑ "Galleon San Diego". Institut Européen d’Archéologie Sous-Marine (in French). Archived from the original on March 4, 2016. Retrieved June 21, 2012. Unknown parameter
|url-status=ignored (help) - ↑ "Ancient Trade Routes – San Diego". Franck Goddio. Archived from the original on September 22, 2013. Retrieved August 2, 2013.
- ↑ "San Diego Exhibitions". Institut Européen d’Archéologie Sous-Marine (in French). Archived from the original on August 2, 2013. Retrieved June 21, 2012. Unknown parameter
|url-status=ignored (help) - ↑ https://www.nationalmuseum.gov.ph/our-collections/maritime-and-underwater-cultural-heritage/treasures-of-san-diego/.Kinua[permanent dead link] 2023-303-22.
- ↑ "El galeon de Manila". Fundación Museo Naval (in Spanish). Archived from the original on August 20, 2016. Retrieved July 23, 2016. Unknown parameter
|url-status=ignored (help)
