Sanjida Choya
Si Sanjida Islam Choya (Bengali: সানজিদা ইসলাম ছোঁয়া) iyo sarong Bangladeshi na sarong aktibista para sa mg babae na an primerong adbokasiya iyo an laban sa pagpapakasal sa mga kaakian.
Siya an kagtogdas asin lider kan organisasyong Grasshopper - sarong grupo nin mga kababaihan nin pitong hobenes na naglalaban sa pagpapakasal sa mga kaakian.
Siya miyembro kan Shuvosangho Bashundhara Group - sarong social welfare na organisasyon .
Si Choya pinangaranan kan 2022 na listahan nin BBC sa saro sa 100 na maimpluwensiyang babayi a kinaban para sa saiyang kampanya laban sa pagpapakasal sa mga kaakian. [1][2]
Aktibismo[baguhon | baguhon an source]
Si Choya namundag sa Achargaon Union sa Distrito nin Mymensingh asin nag-adal sa Gurudayal Government College.[3]
An adbokasiya ni Choya laban sa pagpapakasal sa mga kaakian inot nagpoon sa kamugtakan kan saiya mismong ina na pinakasal kan aki pa asin nin presentasyon manongod sa epekto kan pagpapakasal sa mga kaakian sa saiyang eskuelahan.
Pagkatapos kan presentasyon, pinunan ni Choya, na kaidto ma 13 anyos pa lang, an saiyang aktibismo laban sa pagpapakasal sa mga kaakian.[4]
Makalihis, an saiyang mga amigo, puon 13 sagkod 14 anyos, mga paratukdo, asin magkapirang mga lokal na hobenes kan Nandail, sa distrito nin Mymensingh kan Bangladesh nagsali sa kampanya asin an grupo na midbid na Ghashforing (Grasshopper) natugdas. [1]
An grupo nagkukua nin impormasyon manungod sa planong pagpapakasal sa mga kaakian asin ibinabareta ninda sa pulis para punduhon an kasalan.[5]
Kan 2018 sa sarong programa sa radyo kan BBC, Hello Check!, an grupo nag-istorya kun paano ninda ilinigtas sa saindang kaeskwela na mas may edad sainda sa pagpapakasal. An mga magurang kan estudyanteng na nag-areglo nin kasal para sa saindang aking babae huli sa kakulangan nin kwarta tanganing magastosan an saiyang edukasyon.
Kan maaraman kan grupo an manongod sa kasal, dinara ni Choya an saiyang grupo sa harong kan daragita asin nagsabi na sinda inot na grupo kan magiging agom na lalake asin kinua ang kaeskwela nindang babae na nagsabi na an kasalan dai niya man kagustuhan.Kinombensir kan grupo an mga magurang kan babae na ipundo an kasal asin kinontak an saindang eskuelahan na dae na pabayadon kan tuition tanganing an babae makapadagos kan saiyang edukasyon.
Sa taong 2019, ibinareta kan grupo na nakapapundo sinda kan mga kaso nin pagpapakasal sa kaakian sa maabot 50.
Mga Toltolan[baguhon | baguhon an source]
- ↑ 1.0 1.1 "Brave girls valiantly stopping child marriages in Bangladesh". BBC. 2022-07-03. Retrieved 2023-08-21.
- ↑ "Bangladesh's Sanjida on BBC's 100 influential women" (in en). The Business Standard. 2022-12-07. https://www.tbsnews.net/bangladesh/bangladeshs-sanjida-bbcs-100-influential-women-546898.
- ↑ "প্রভাবশালী নারীর তালিকায় সানজিদা ছোঁয়া". Daily Janakantha (in Bengali). 23 December 2022. Retrieved 7 October 2023.
- ↑ "Bangladeshi student on BBC's 100 Women list" (in en). The Daily Star. 2022-12-07. https://www.thedailystar.net/news/bangladesh/news/bangladeshi-student-bbcs-100-women-list-3189686.
- ↑ "BBC 100 Women 2022: Who is on the list this year?". news.files.bbci.co.uk. Retrieved 2023-08-21.