Santuario ni Aguinaldo
An Santuario ni Aguinaldo sarong santuario nasyonal namomogtak sa Kawit, Cavite kan Republika nin Filipinas kun saen an katalingkasan kan Filipinas sa Espanya idineklara kan Hunyo 12, 1988. Sa pagromdom kan pangyayari, na ngonyan itinalaan nang Aldaw nin Katalingkasan, sarong piyesta nasyonal, an wagayway kan Filipinas itinataas kan mga opisyal sa gobyerno tuyong ika-12 nin Hunyo taon-taon. An santuario alabes sarong museo ngonyan.
Agi-agi
[baguhon | baguhon an source]An santuario iyo an antigong harong ni Hen. Emilio Aguinaldo kun saen siya namundag kan Marso 22, 1869,[1] Itinogdok kan 1845, ini dati hinaman gibo sa kahoy asin tiklad. Dangan kan taon 1949 pinakarhay asin pinapusog.
Pagbantolin kan Aldaw nin Katalingkasan
[baguhon | baguhon an source]Kan Hunyo 12, 1898, an Katalingkasan nin Filipinas sa Espanya, enot na pigbantolin sa may bintana kan bidang kan mansyon. An nagbasa kan deklarasyon iyo mismo an kagsurat kaini na si Ambrosio Rianzares Bautieta [2] An Pagbantolin kan Katalingksan sunod na pinagtibay kan Kongreso nin Malolos kan Septyembre 21, 1898.[3]
Mga simbolo nasyonal
[baguhon | baguhon an source]An wagayway kan Filipinas na pigdesenyo ni Aguinaldo enot na biniklad sa pinakaenot na Pagbantolin kan Katalingkasan kan Filipinas asin pinakaenot na dinara sa laban sa Batalya sa Alapan sa Imus, Cavite kan Mayo 28, 1898, Ngonyan pigrorokyaw an aldaw na Mayo 28 bilang Aldaw nin Wagayway. An togtog nasyonal na Lupang Hinirang ikinawat sana kan aldaw nin pagbantolin kan Katalingkasan duman sa Cavite kan sarong banda hale sa San Francisco de Malabon (ngonyan General Trias, Cavite) alagad asn letra kaini nasaliot sana kan taon 1899 ni Jose Palma.
Mga pagpakarhay sa santuario
[baguhon | baguhon an source]Si Presidente Aguinaldo kan siya yaon sa pagretiro, pinadakula niya an saiyang harong kan mga taon 1919 abot 1921 sa tuyong magin simbolo sa pagrepresentar kan wagayway asin kan nasyon. [4] Nagpagibo siya nin "Balkonahe nin Katalingkasan" na maarte asin mahiwas, na si Aguinaldo asin an mga opisyal kan gobyerno ginagamit sa tuyong pagrokyaw kan aldaw nin katalingkasan. Dakul na bisita ngonyan pighuhuna iyo ini si dating lugar na kun saen pigbalangibog an historikong deklarasyon. Si Aguinaldo pigdonar sa gobyerno an saiyang harong na ini kan Hunyo 12, 1963, "sa pagpadanay kan espiritu kan "Rebolusyon Filipinas nin 1896 na nagputol kan pananakop kan Espanya sa nasyon".
Santuario Nasyonal
[baguhon | baguhon an source]Si Aguinaldo binawian buhay kan Pebrero 6, 1964 sa edad na 94 sa Veterans Memorial Hospital sa Quezon City. Kan parehong taon, an gobyerno pigdeklara an mansyon niya bilang Santuario Nasyonal kan Hunyo 18 sa ri'gon kan Akta Republika Nu. 4039 na pirmado ni Presidente Diosdado Macapagal[5][6]
Mga panluwas na takod
[baguhon | baguhon an source]- Blogspot manongod sa Santuartio ni Aguinaldo.
- The Aguinaldo Shrine sa AngelCent, may mga retrato kan interior asin giya sa pagpaduman.
- The House of General Aguinaldo Archived 2011-01-17 at the Wayback Machine.. Dakul pang mga magagayon na retrato manongod ki Aguinaldo makukua sa Tara Na!
Toltolan
[baguhon | baguhon an source]- ↑ http://www.nhi.gov.ph/downloads/fihgov0008.pdf
- ↑ Halili, M.C. (2004). [books.google.com/books?id=gUt5v8ET4QYC "Philippine History"], pg. 162. Rex Book Store, Manila. ISBN 13:978-971-23-3439-9.
- ↑ Guevarra, Sulpicio (1972). "The laws of the first Philippine Republic". p.5. National Historical Commission.
- ↑ Quezon III, Manuel L. (2002-04-02). "History of the Philippine Flag". Flags of the World. Sinapi kan 2012-01-18.
- ↑ "The Aguinaldo Shrine" Archived 2012-03-13 at the Wayback Machine.. Philippine Culture - Filipino.biz. Sinapi kan 2012-01-18.
- ↑ Valmero, Anna (2011-04-08). "Revisiting the Aguinaldo Shrine" Archived 2019-04-14 at the Wayback Machine.. GoBacoor. Sinapi kan 2012-01-18.
