Sapatos

Gikan sa Bikol Sentral na Wikipedia, an talingkas na ensiklopedya
Sarong padis nin sapatos.

An sapatos sarong hapin sa bitis para sa proteksyon asin pagigin komportable kan mga ini. Ginagamit man ini bilang dekorasyon asin moda. Mantang an bitis kan sarong tao kayang adaptar sa manlainlain na kondisyon nin klima asin kadagaan, bulnerable pa man giraray ini sa mga peligrong pangkalibotan arog kan matarom na gapo asin labing temperatura, na iyong prinoprotehiran kaini. An ibang sapatos isinusulot bilang pamproteksyon, arog kan mga botang batbat na kaipohan sa mga indutriyal na lugar

Kabali an mga ini sa degoma o kaya idtong igwang takong. Para sa mga babae, parati igwang haralangkaw o harababang takong. Gibo man sa katad an mga pormal na sapatos.

Sa Filipinas, minimidbid an syudad nin Marikina bilang kabisera nin sapatos.[1]

Igwa nin manlainlain na klase nin mga sapatos. An pinakadakol na klase kaini iyo idtong ginibo nin sadya para sa sarong okasyon. Halimbawa, an mga bota idinesenyo para sa trabaho o gamit sa magagabat na trabaho panluwas. An mga atletikong sapatos idinisenyo para sa sarong partikular na isports siring kan pagdalagan, paglakaw-lakaw, o iba pa. An ibang mga sapatos idinisenyo tangarig isulot sa mga pormal na okasyon, asin an iba para sa mga kaswal na okasyon.

Toltolan[baguhon | baguhon an source]

Mga takod panluwas[baguhon | baguhon an source]