Sarah, Dukesa kan York

Sarah Ferguson sa Rwanda kan paglansar kan Gahanga Cricket Stadium

Si Sarah, Duches kan York (namundag Sarah Margaret Ferguson; 15 Oktubre 1959), bisto man sa bansag na Fergie, sarong Briton na awtor, personalidad sa telebisyon, asin miyembro kan pinalawig na pamilyang maharlikang Briton. Siya an dating agom ni Prinsipe Andrew, Duke kan York, na ikaduwang aki ni Reyna Elizabeth II asin ngohod na tugang ni Hadeng Charles III.

Si Ferguson pinadakula sa Dummer, Hampshire, asin nagklase sa Queen's Secretarial College. Kan huri, nagtrabaho siya para sa mga kompanya nin pampublikong relasyon sa London, dangan para sa sarong kompaniya na pangpublikar. Nagpoon siyang makipagrelasyon ki Andrew kan 1985, asin sinda kinasal kan 23 Hulyo 1986 sa Westminster Abbey. Igwa sindang duwang aking babae, si Prinsesa Beatrice asin Prinsesa Eugenie. An saindang pag-agom, pagsuwayan kan 1992, asin diborsio kan 1996 nakaakit nin dakol na media coverage.

Durante sagkod pagkatapos kan saiyang kasal, si Sarah kaiba sa nagkapirang institusyon nin pagkawanggawa bilang sarong patron asin spokesperson. An saiyang pagkawanggawa pangenot na nakasentro sa pagtabang sa mga pasyente asin aki na may kanser. Siya an nagin patron kan Teenage Cancer Trust poon 1990 asin pinundar an Children in Crisis asin Sarah's Trust. Sa mga taon pagkatapos kan saiyang diborsio, si Sara an tema nin mga iskandalo na nakaapektar sa relasyon niya sa pamilya kan hade, alagad siya nagpahiling sa laen-laen na royal na mga kaganapan kasuarin pa sana. Nagsurat siya nin magkapirang libro para sa mga aki asin adulto saka nagtrabaho sa TV asin sa produksyon sa pelikula.

Kaamayi kan buhay

Si Sarah Margaret Ferguson ipinangaki kan 15 Oktubre 1959 saLondon Welbeck Hospital sa London. Siya an pangaduwang aking babayi ni Major Ronald Ferguson(1931–2003) asin Susan Barrantes (née Wright; 1937–1998). Igwa siyang sarong matuang tugang na babayi, si Jane. Matapos magsuwayan an mga magurang ni Ferguson kan 1974, pinakasalan kan saiyang ina ang parakawat nin polo na si Héctor Barrantes kan 1975 asin naglipat sa Trenque Lauquen sa Argentine pampas. Nag-istar si Sarah sa 480-acre (1.9 km²) na Dummer Down Farm sa Dummer, Hampshire, an harong kan saiyang ama puon kaidtong 8 anyos. Ikinasal si Major Ferguson kay Susan Deptford kan 1976 asin nagkaigwa nin tulo pang aki: sina Andrew, Alice, asin Elizabeth. Kahaluyan, nasabi ni Sarah na sa edad na 12, kan magpuong maraot an ibanan kan saiyang mga magulang, nagkaigwa siya nin eating disorder asin "nagparakakan nin dakul para sa kaginhawahan."

Si Ferguson, na bisto sa impormal na paagi bilang "Fergie," minsan nang inilustra ang saiyang pamilya bilang "country gentry with a bit of old money". Siya gikan ki Hadeng Charles II kan Inglatera bilan tolo sa saiyang mga aking ilehitimo: Charles Lennox, Enot na Duke kan Richmond; James Scott, Enot na Duke kan Monmouth; asin Anne Lennard, Kondesa kan Sussex. Igwa siyang aristokratikong lahi, komo iyo an apo sa talampakan kan ika-6 na Duke nin Buccleuch, apo sa tuhod kan ika-8 na Viscount Powerscour asin gikan sa Enot na Duke kan Abercorn asin kan ika-4 na Duke kan Devonshire. Si Ferguson harayo an relasyon ki Prinsipe Andrew, ta pareho sinda naggikan sa Duke nin Devonshire siring man si Hadeng James VI asin I.