Sarong Milya nin mga Museo

Gikan sa Bikol Sentral na Wikipedia, an talingkas na ensiklopedya
Karatula kan Sarong Milya nin mga Museo
An Museong Guggenheim
An Museong Metropolitan sa Arte, Nweba York
Neue Galerie, Nweba York

An Sarong Milya nin mga Museo (Museum Mile) iyo an deskripsyon sa sarong palnâ kan Fifth Avenue sa Manhattan sa siyudad nin Nuweba York, Estados Unidos, poon sa kalye ika-82 (82nd Street) abot ika-105 (105th street) sa inaapod na Upper East Side sa may paralibot kan lugar na Carnegie Hill. An "milya" iyo nanggad igdi nagkatiripon an pinakamahi'bog na konsentrasyon kan mga eksibit dapit sa kultura sa bilog na kinaban, pero totoo duwang bloke sobra sa sarong milya ini. Siyam na museo an naglalaklak sa kalabaan kan palnâ na ini sa Fifth Avenue.[1] Ikasampolong museo , an Museum for African Arts, nakabali sa pag'iriba kan taon 2009 alagad an museo kaini sa Kalyeng ika-110, na iyo an enot na museo natogdok poon kan nahaman an inapod na Guggenheim kan 1959,[2] mabukas sa pagtatapos kan taon 2012. An mga museo pati igwa nin binubungsod sarabay na aktibidad na inapod na "Museum Mile Festival" na tuyong ginigibo taontaon sa bulan na Hunyo sa kaisipan na mapukaw an interes sa mga museo asin dumakul an pagdayo sa mga ini kan mga bisita.[3]


Mga Museo na nakataralay sa Milya[baguhon | baguhon an source]


Pintakasi kan Sarong Milya nin mga Museo[baguhon | baguhon an source]

An taonan na Museum Mile Festival kinaugalean nang ginigibo tuyong ika-duwang Martes kan Hunyo, 6 - 9 nin hapon. sa Manhattan, New York City, Estados Unidos. Ini pino'nan kan 1979 ngane lumakop an pagkagamiaw kan publiko sa pakinabang asin kagayonan kan mga museo asin magdakul an suporta sa arte sa Nweba York.[5] [6]

Durante kan nakaaging duwang dekada sobra sa sarong milyon an nakiayon sa selebrasyon na ini An mga nakikiogma pwede magdayandayan sa kalabaan poon ika-82 abot ika-104ng kalye asin dayohon an sampolong institusyuon kultural, na bukas libre kun banggi sa publiko. An mga museo igwa pang mga aktibidad sa luwas na natad kaini para sa mga aki..[7] Sa panahon na ini, sinasara an Fifth Avenue sa trapiko kaya nagigin ining pasyaran kan mga tawong nakikiogma. Espesyal na mga kuleksyon asin mga obra pinapaeksibit sa laog kan mga museo mantang sa atubangan kan mga ini igwang karantahan asin kun anoano pang mga pasale haros magdamlag.


Mga panluwas na takod[baguhon | baguhon an source]


Toltolan[baguhon | baguhon an source]

  1. "Museums on the Mile". Archived from the original on 2012-01-01. Retrieved 2011-06-24. 
  2. Sewell Chan (2007-02-09). &oref=slogin "Museum for African Art Finds its Place" Check |url= value (help). The New York Times. Retrieved 2008-07-15. 
  3. "New Drive Promoting 5th Ave.'s 'Museum Mile'". The New York Times. 1979-06-27. Retrieved 2008-07-15. 
  4. Catton, Pia (2011-06-14). "Another Delay for Museum of African Art". The Wall Street Journal. http://blogs.wsj.com/metropolis/2011/06/14/another-delay-for-museum-of-african-art/. Retrieved on 2011-06-24. 
  5. "Museum Mile Festival held in New York" UPI NewsTrack (June 8, 2004.)
  6. New drive promoting Fifth Avenue's 'Museum Mile', The New York Times, June 27, 1979.
  7. Fass, Allison and Murray, Liz (2000) "Talking to the Streets for Art" The New York Times June 11, 2000, p.17, col. 2.