Scrabble

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Kinakawat na Scrabble
Hitsura kan kawatan Scrabble
Scrabble sa Tagalog

An Scrabble sarong pagkawat sa tataramon kun saen duwa o apat na parakawat an kabarali asin nakakapuntos paagi nin pagkaag nin tekla, na may guhit sarong letra asin numero na halaga kaining puntos, sa tablang-kawatan; an tablang ini kinukuritan nin baralagat na linya na nahaman nin 15x15 mga koro-kwadrado. An mga tekla pagsuru-surumpaya dapat maghaman nin mga kataga' na may direksyon haleng wala patoo, asin pwede man pababa. An mga kataga' dapat yaon makukua sa sarong diksyunaryong estandarte o presente sa mga kasuratan na inakong toltolan kan makarawat kun diano igwang kontrobersya o dai pagka'oroyon kan ginamit na kataga'. Sa Scrabble, yaon diyan an mga obrang hadoyan na iyo an Official Tournament and Club Word List, asin an Official Scrabble Players Dictionary, na nagtataong lista kan mga opisyal na tinutugot na mga katagang garamiton sa kawat na ini, totoo sa tataramon na Ingles.

An apod na Scrabble sarong trademark kan Hasbro, Inc., sa Estados Unidos asin Kanada asin pinapabakal kan dibisyon na Parker Brothers kan Hasbro poon pa kan 1999. Bago 1999, ini pigbebenta bilang pakawat kan Milton Bradley. Sa luwas kan Estados Unidos asin Kanada, an Scrabble trademark pagrorogaring kan Mattel. An kawat na ini pinapabakal sa 121 mga nasyon asin makakawat sa 29 langgwahe. Mga 150 milyon na daang set an naipabakal na sa bilog na kinaban asin sinasabing mga saro-katolohan kan mga harong sa Amerika asin kabanga kan bilang nin mga harong sa Britanya igwang set na Scrabble. Igwa man daang mga 4,000 na Scrabble klab sa enterong mundo.[1]


Mga panluwas na takod[liwaton | liwaton an gikanan]

  • [1] Agi-agi kan kawat na Scrabblre. Kinua 06-11-16.
  • [2]Mga bagay-bagay dapit sa kawat Scrabble na dai araram. Kinua 06-11-16.

Toltolan[liwaton | liwaton an gikanan]