Sean Connery
Si Sir Thomas Sean Connery (Edimburgo, Escocia; 25 Agosto 1930 - Nasáu, Bahamas; 31 Oktubre 2020), na midbid na marhay bilang sarong aktor dara an pangaran na "Sean Connery", asin siya nagin aktor asin prodyuser sa Sine Britaniko kun saen siya nagkamit kan premyong Oscar sa papel niya sa pelikulang "Untouchables" (1988), duwang premyo na BAFTA asin tolong premyo na Globo de Oro. Siya mas bantog sa mga papel niya bilang "James Bond" na saiyang pinapelan sa pitong pelikulang kaini, Dr. No kan 1962, From Russia With Love, Goldfinger, Thunderball, You Only Live Twice, Diamonds are Forever, asin Never Say Never Again.[1][2]
Mga enot na taon
[baguhon | baguhon an source]Namundag kan Agosto 25, 1930 sa Edinburgh sa ina niyang si Euphemia McBain, na an trabaho paralinig sa mga harong-harong, asin an saiyang ama iyo si Joseph na sarong trabahador sa sarong pabrika. Si Connery mga enot na taon garo destinado kuta na may buhay na bakong glamoroso na dai lamang pighuna na ngapit an saiyang kabantogan bilang aktor malataw na marhay na pagtitingagon kan saiyang henerasyon. Mala ta kan edad 14, paghale' sa eskwelahan, siya nagpurot nin mga trabaho na masabing mayong kaaabtan; nagin siyang drayber nin trak, parahatod mga boteng gatas asin ngani sabi niya, makauyam na siya nagin pang paragosgos kan mga kabaong bago nadiskubre siya kan kinaban nin akting.[3]
