Serbisyo kan ekosistema

Honey bee on Avocado crop. Pollination is just one type of ecosystem service.

Upland bog in Wales, forming the official source of the River Severn. Healthy bogs sequester carbon, hold back water thereby reducing flood risk, and supply cleaned water better than degraded habitats do.

Social forestry in Andhra Pradesh, India, providing fuel, soil protection, shade, and even well-being to travelers.

An mga serbisyo kan ekosistema iyo an dakol asin manlain-lain na pakinabang sa mga tawo na itinatao kan natural na kapalibutan na gikan sa marhay na ekosistema. Kaiba sa siring na mga ekosistema, halimbawa, iyo an mga agroekosistema, ekosistemang kadlagan, ekosistemang kadudutan, asin ekosistemang akwatiko. An mga ekolohiyang ini, na nagpupunsyonar sa marahay na mga relasyon, nag-aalok nin mga bagay na arog baga kan natural na polinasyon kan mga pananom, malinig na duros, mitigasyon sa maraot sa panahon, asin mental asin pisikal na kamugtakan nin tawo. Sa kabilugan, an mga pakinabang na ini inaapod na serbisyo kan ekosistema, asin mahalaga sa pagtao nin kakanon, pagtao nin malinig na tubig-inumon, dekomposisyon nin basura, asin produktibidad nin mga ekosistema sa kakanon.

Dawa ngani dakol nang dekada na pinag-ulayan nin mga syentista asin enviromentalista an mga serbisyo kan ekosistema, an Millennium Ecosystem Assessment (MA) an nagpabantog kan konseptong ini kan kaamayi kan 2000. Duman, an mga serbisyo sa ekosistema piggrupo sa apat asin mahiwas na kategorya: pagtao, arog baga kan produksyon nin kakano asin tubig; pagkontrol, arog baga kan pagkontrol sa pagbago nin klima asin hilang; pagsuportar, arog baga nin mga siklo nin nutrient asin produksyon nin oksiheno; asin kultural, arog baga kan pakinabang na espiritwal asin libangan. Tanganing matabang an mga paragibong desisyon, dakol sa mga serbisyo kan ekosistema an pinag-eebalwar tanganing makaresibi nin katumbas na kumparasyon sa mga gibong-tawo na mga imprastraktura asin serbisyo.

An estuarine asin mga ekosistemang kostal kapwa mga ekosistemang dagat. Pag magkaibanan, an mga ekosistemang ini an naggigibo kan apat na mga kategorya nin mga serbisyo kan ekosistema sa manlain-lain na paagi: Kaiba sa "mga serbisyo nin pagkontrol" iyo pagkontrol sa klima siring man an waste treatment asin pagkontrol sa hilang asin mga buffer zone. Kabali sa mga "mga probisyunal na serbisyo" iyo an mga produkto kan kadlagan arog kan kahoy, tubig-tabang, mga hilaw na materyales, asin mga bayokemikal asin henetikong rekurso. Kabali sa mga "kultural na serbisyo" kan mga ekosistemang kostal iyo an mga aspektong inpirasyunal, libangan asin turismo, syensya asin edukasyon. Kaiba sa mga "pantuwang na serbisyo" kan ekosistemang kostal iyo nutrient cycling, byolohikal na irukan, asin panginot na produksyon.