Sergei Lednev-Schukin

Si Sergei Evgrafovich Lednev-Schukin (Russian: Серге́й Евгра́фович Леднев-Щукин; 1875–1961) sarong Rusong pintor nin mga ta'nawon asin sa estilong impresyonista an saiyang dinadara.

Biograpiya

Si Sergei namundag 14 (26) Agosto 1875 sa Zaozerie, Yaroslavl Governorate, Imperyong Ruso. Siya nag'estar asin nagtrabaho haros bilog kan saiyang buhay sa Mosku.

Siya naggradwar sa Central Stroganov School of Technical Drawing sa Mosku. Siya nagin myembro kan Association World of Art (Mir Iskusstva), Group of artists Nezavisimye 1907–1912, Saint Petersburg Society of Artists, Member of Moscow Association Sreda. Pakatapos kan Rusong rebolusyon siya nagpartisipar sa ika-2ng National Exhibition of paintings sa Mosku (1918–1919), siya man nagpartisipar pa sa eksibisyon sa inapod na Combined Arts kan 1925, asin sa mga eksibisyon kan Artists Society Assembly 1924–1929 dangan sa Iskysstvo Trudyaschimsya 1925-1928. An saiyang mga pinta pigpadayaw pa man sa State Tretyakov Gallery (1989), Khimki Art Gallery (1990), Primoe Picture Gallery Vladivostok, Novokuznetsk Art Museum, Kherson Museum of Art sa Ukraine asin sa magkapira pang mga museonvbg Ruso saka sa luwas kan nasyon siring kan sa New York Metropolitan Museum of Art.

Siya nagadan kan 7 Abril 1961 sa Mosku, USSR.