Shigeichi Negishi
| Shigeichi Negishi | |
|---|---|
| Native name | 根岸 重一 |
| Kamundagan | Nobyembre 29, 1923 Tokyo, Japan |
| Kagadanan | Enero 26, 2024 (edad 100) |
| Edukasyon | Hosei University |
| Mga aki | 3 |
Si Shigeichi Negishi (Nobyembre 29, 1923Plantilya:SpndEnero 26, 2024) sarong Hapones na enhinyero na iyo an nakaimbento pinakaenot na karaokeng kantahan na napawarak na husto sa komersyal na pagbenta kaini.[1]
Biograpiya[baguhon | baguhon an source]
Si Negishi namundag kan Nobyembre 29, 1923, sa Tokyo, Hapon. An saiyang ina may tindahan nin tabako' asin saiyang ama sarong opisyal sa gobyerno na nag'aasikaso msa eleksyon. Bilang aki pa, siya matadong sa pag'adal, guminana ngani sa kompetiosyon nasyonal sa kaligrapiya sa edad na onse.[1] Si Negishi nag'adal ekonomiks sa Hosei University sa Tokyo asin naentra sa Hokbong Hapones durante kan Ikaduwang Gerang Pankinaban. Kan madaog an Hapon sa Gera, siya nagin prisoner of war asin nadetenir nin duwang taon sa Singapur.[2] Kan siya napaluwas kan 1947, si Negishi nagtinda nin Olympus na kamera asin dangan kaidto nagtugdas kan kompanyang sa consumer electronics na Nichiden Kogyo kan 1956.[1] Onseng taon kaidto, sarong empleyado pigsubahan siyang pasa' an boses niya sa pagkanta. Sa pagtubod na magayon saiyang boses kan igwang instrumento sa paggiya pagkanta, an pag'iriba niya asin siya nagtarakod nin sirkwit na may speaker, mikropono, asin tape deck.[3]
Dai pinagpatente[baguhon | baguhon an source]
Si Shigeichi nakahaman nin prototype kan instrumento kan taon 1967. Siya kuta nagswestyon sa saiyang distributor na ngaranan ini na "karaoke" a;lagad naghabo ta an katagang ini sa Hapon nakaka'agid sa tataramon na "kanoke" na boot sabihon 'kabaong'. Logod, si Shigeichi inapod ining 'Sparko box", alagad dai niya ini hinimong ipa-patente. Naibenta niya an saiyang instrumento nin lakopan sa bilog na nasyon nin Hapon, sa mga bar, sa mga hotel asin sa mga restaurant na mangyari iyo ini an pinakaenot na karaoke machine napabakal sa lebel na komersyal[3]
Alagad, sinasabing sarong Hapones man na imbentor an nakaimbento kan siring na instrumento, si Daisuke Inoue pero napaluwas niya ini sa merkado, na inapod Juke-8, kan taon 1971 mansana. An Filipinong si Roberto del Rosario an may kapot kan patente sa karaoke machine na inapod niya man na 'Sing-along system' kan 1975.[4]
Toltolan[baguhon | baguhon an source]
- ↑ 1.0 1.1 1.2 Alt, Matt (March 14, 2024). "Shigeichi Negishi, the Inventor of Karaoke, Dies at 100"
. The Wall Street Journal.
- ↑ Veltman, Chloe (March 15, 2024). "Karaoke inventor Shigeichi Negishi dies at 100". National Public Radio.
- ↑ 3.0 3.1 "Shigeichi Negishi, inventor of first karaoke machine, dead at 100". CBC Music. March 15, 2024.
- ↑ https://www.bbc.com/travel/article/20110812-travelwise-karaoke-in-the-philippines. Kinua 2024-03-18.
