Shoichi Yokoi

Si Shouchi Yokoi

Si Shōichi Yokoi (Hapones: 横井 庄一 Yokoi Shōichi) (Marso 31, 1915 – Septyembre 22, 1997) sarong sarhentong Hapones nin Imperyal na Hukbong Hapones (Imperial Japanese Army o IJA) kaidtong Ikaduwang Gerang Pankinaban. Siya saro sa tolong huring soldados na nagsuko matapos an Ikaduwang Gerang Pankinaban kan 1945.

Kaamayi nin buhay

Si Yokoi namundag sa Saori sa Prepektura nin Aichi. Siya nagin sastre alagad napabali siya sa hokbo noong 1941.

Mga taon sa gera asin buhay kan tapos na an gera

An mga turista pwedeng magbisita sa "Lungib ni Yokoi", sarong historikal na lugar ikinaag karibay kan tunay na lungib ni Yokoi sa Talafofo Falls Resort Park bilang pagromdom

Si Yokoi nag'iba sa Imperyal na Hokbong Hapones kaidtong 1941. Kan enot siya nakabali sa 29th Infantry Division sa Manchukuo (1941-1943). Kan 1943, siya nalipat sa 38th Regiment sa Mariana. Siya nag'abot sa Guam haleng Manchuria kaidtong Pebrero 1943. Kan an tropa nin Estados Unidos nagsakop sa Guam kan 1944 sa Gera sa Guam, si Yokoi nagtago sa kapuroan. Siya dagos na nagtatago sa isla hanggan 1972.

Pagsuko

Sa banggi nin Enero 24, 1972, si Yokoi nasumpongan sa kadlagann sa Guam. Siya nadukayan ni Jesus Duenas asin ni Manuel DeGracia, duwang nag'eestar sa isla na nagbibintol nin pasayan sa kalabaan nin sadit na salog sa Talofofo. Naghuna sinda na si Yokoi taga-Talofofo si Yokoi Dinara ninda si Yokoi paluwas sa kadlagan na may mga lugad-lugad.

"Dakulang kasusupgan sakuya na ako nakabalik na buhay," sinabi niya kan nakabalik siya sa Hapon. An tinaram niyang ini nagin sarong lataw na tataramon sa bilog na Hapones.

Sa laog na duwang polo may apat na taon, siya nagtago sa lungib sa kadlagan ta takot magpahiling maski ngani nakaisi na siya na may mga bareta tapos na an Ikaduwang Gerang Pankinaban.

Si Yokoi iyo an ikatolong soldados na Hapones na pinakahuring nagsuko matapos an gera.