Sian Heder
| Sian Heder | |
|---|---|
 | |
| Kamundagan | Hunyo 23, 1977 Cambridge, Massachusetts, Estados Unidos |
| Edukasyon | Carnegie Mellon University (BFA) |
| Trabaho | Paragibong pelikula |
| Mga taon na aktibo | 2006–presente |
| Mga notableng gibo | CODA |
| Agom | David Newsom |
| Mga aki | 2 |
| Mga gawad | Academy Award for Best Adapted Screenplay CODA (2021) BAFTA Award for Best Adapted Screenplay CODA (2021) |
Si Sian Heder (/ˈʃɑːn ˈheɪdər/; namundag Hunyo 23, 1977) sarong Amerikanong parasurat asin paragibong pelikula.[1] Siya midbid sa pagsurat asin pagderihir kan pelikulang CODA, kun saen siya nanggana kan Academy Award for Best Adapted Screenplay asin kan BAFTA Award for Best Adapted Screenplay, saka pa an nominasyon para sa Critics' Choice Movie Award for Best Adapted Screenplay.
Kaamayi nin buhay
[baguhon | baguhon an source]Si Heder namundag kan Hunyo 23, 1977, sa Cambridge, Massachusetts, an aki kan mga artistang sinda Mags Harries asin Lajos Héder. An ina niya Gales (Welsh) asin ama niya Hunggaro.[2] Siya naggradwar sa Carnegie Mellon School of Drama.[3]
Karera
[baguhon | baguhon an source]Pakagradwar, si Heder naghubo sa Hollywood ta managin aktres asin screenwriter manta nagtatrabaho nsa sarong ahensya nin mga yaya. Duman sa ahensya, igwang mga suki na an mga aki nageestar sa mga -4-star na mga hotel asin an eksperensya niya igdi nagpasabong saiya na maggibo kan enot niyang halipot na pelikula.[4]
Kaamayi kan 2005, an script para sa Mother, pinakaenot na halipot na pelikulang sinurat asin pigdiriher ni Heder, iyo an napili sa 8 na gawadan nin fellowship para sa prestihiyosong American Film Institute na Workshop para sa mga Babae.[5] An Mother guminana kan Grand Jury Award for "Best Narrative Short" sa Florida Film Festival, asin nagresibi pa nin onra sa Cinéfondation Competition of the Cannes Film Festival[6] asin sa Seattle International Film Festival. Dangan an pelikulang ini napili pa na ipaluwas sa kompetisyon sa Palm Springs International Festival of Shorts asin sa pagsasadiri kan British Film Institute na London Film Festival.
Kan 2010, si Heder ginana an Peabody Award, kairiba an mga kapwa niya parasurat, sa trabaho niya sa naumaw na maray na serye sa telebisyon, an Men of a Certain Age.[7] Kan 2011 siya nagsurat asin nagdiriher nin halipot na komedya, Dog Eat Dog (A Short Tale) kun saen nagpapel si Zachary Quinto[8] sa tuyong pagpukaw sa pag'ataman/pag'ampon nin hayop, asin ini madadalan sa YouTube. Siya man an nagsurat kan season 1-3 sa orihinal na serye sa Netflix kan Orange Is the New Black bago siya nagbutas ngona igdi ngani may panahon sa pagdirihe kan pelikulang Tallulah.
Toltolan
[baguhon | baguhon an source]- ↑ "Sundance 2016: Fiction collides with reality for 'Tallulah' creator Sian Heder". Los Angeles Times. 21 January 2016. Retrieved 2016-01-21.
- ↑ Meek, Tom (July 26, 2016). "Sian Heder's 'Tallulah' Pulls From 'Surreal Experiences With Bad Moms'". WBUR. Retrieved July 29, 2016.
- ↑ "Sian Heder's 'Tallulah' Pulls From 'Surreal Experiences With Bad Moms'". www.wbur.org (in English). Retrieved 2017-11-10.
- ↑ Welkos, Robert W. (2006-05-26). "A nanny's insight" (in en-US). Los Angeles Times. ISSN 0458-3035. http://articles.latimes.com/2006/may/26/entertainment/et-cannes26.
- ↑ "AFI and Lifetime Team Up to Employ Female Filmmakers". American Film (in English). Archived from the original on 2016-01-24. Retrieved 2016-01-21.
- ↑ "Juries". Festival de Cannes. Retrieved 2016-01-21.
- ↑ "Peabody Award surprises: 'Men of a Certain Age,' 'Justified'". LA Times Blogs - Awards Tracker (in English). 2011-03-31. Retrieved 2016-01-21.
- ↑ "Zachary Quinto debuts rescue film 'Dog Eat Dog'". MNN - Mother Nature Network. Retrieved 2016-01-21.
