Sidney Skolsky

Si Sidney Skolsky (Mayo 2, 1905 – Mayo 3, 1983) iyo an Amerikanong parasurat na midbid bilang Hollywood gossip columnist. Karanggo niya si Hedda Hopper (na pareho sinda nin petsa nin kaaldawan) asin si Louella Parsons bilang premier Hollywood gossip columnists kan enot na tulong dekada kan sound picture era.

Si Skolsky saro man na personalidad sa radyo bilang dugang sa pagkakaigwa niya nin kolum na dyaryo, saro man siyang screenwriter asin movie producer na paminsan-minsan nag-aarte sa radyo asin mga pelikula. Naghingako si Skolsky na "Oscar" sa Academy Award asin krinedito huli sa introduksyon kan paggamit kan katagang beefcake.