Sigrid Lorenzen Rupp
Si Sigrid Lorenzen Rupp (1943 – Mayo 27, 2004) sarong Aleman-Amerikano na arkitekto asin pintor. Igwa siyang sadiring praktis sa pangaran na SLR Architects sa Palo Alto, California, poon 1976 abot 1998, asin ta siya orog na nagdedesenyo para sa mga pasilidad kan mga kompanya teknikal sa Silicon Valley.[1]
An saiyang kompanya, an SLR/Architects nagtoon kan trabaho sa mga pasilidad teknikal, trabahong industriyal, asin mga estrukturang residensyal. An mga suki niya sa Silicon Valley iyo an mga darakulang kompanya siring kan Apple Computer, Sun Microsystems, Tandem, Amdahl, Claris, Raychem, asin IBM. Iba pang mga kliyente niya iyo an minasunod: AT&T, Pac Bell, United Airlines, Pan Am, Stanford University and Hospital asin San Jose State University. An magkapirang proyekto niyang mga lataw na gayo iyo idtong Press Building and Storey House sa Stanford University, an RF Testing Facility kan Apple Computer, asin anom-na-taon na pagretrofit asin paghirahay kan mga pabrika kan Raychem Corporation. Sa kasagsagan kan saiyang kompanya, ini nag'empleo nin walong propesyonal asin para-propesyonal na staff (1987) aasin nakatogdas nin sanga internasyonal, an SLR/International sa Tel Aviv, Israel (1983).]].[2]
Siya man sarong tagatolod kan mga deretso asin katanosan kan mga kababaihan ta dapat daa "tapos na an mga pagkakaiba sa kakayahan kan mga babae sa lalake". Siya naggiya sa dakul na mga babae asin mga minoriya sa lawig kan saiyang praktis, pig'aagyat an mga ini na maglaog sa adal nin arkitektura.[3]
Kaamayan kan buhay asin edukasyon
[baguhon | baguhon an source]Si Rupp namundag sa Bremerhaven kan 1943 asin an pamilya niya naghubo sa Oakland, California kan siya edad na 10 pa sana. Nagin siyang interesado sa arkitektura kan aki pa durante kan rekonstruksyon sa Alemanya pakatapos kan Ikaduwang Gerang Pankinaban asin ta siya dagos na nag'adal arkitektura sa University of California, Berkeley, saka nag'graduar kan 1966.[4]
Kagadanan
[baguhon | baguhon an source]Si Sigrid Lorenzen Rupp nagtalikod sa mundo kan Mayo 27, 2004 huli sa gastric cancer. Sa saiyang pawalat-mana, ini an sinabi niya "Boot kong maromdoman sa sakuyang pakipag'asusangan sa tahaw kan pag'ooyon kan iba diyan huli ta iyo an pinakamadali na makiiba na sana dawa sala. Gusto kong maromdoman komo sarong mahusay na arkitekto na nagtrabaho nin mahusay na trabaho, sarong mahusay na pintor na nagpinta nin mahusay na pintura asin saro na marayrahay na mag'osipon nin magagayon na istorya.".[5][6]
Toltolan
[baguhon | baguhon an source]- ↑ [1]Sigrid L. Rupp Architectural Collection, 1950-2004 Kinua 20-01-17
- ↑ [2]Sigrid L. Rupp Architectural Collection, 1950-2004 Kinua 20-01-17
- ↑ [3]Sigrid L. Rupp Architectural Collection, 1950-2004 Kinua 20-01-17
- ↑ Hendricks, Tyche (June 11, 2004). "Sigrid Lorenzen Rupp – Peninsula architect". San Francisco Chronicle. Retrieved October 12, 2015.]Sigrid L. Rupp Architectural Collection, 1950-2004. Kinua 20-01-17
- ↑ [4] Newsletter | Jul/Aug 2004 Kinua 20-01-17
- ↑ [5]Sigrid L. Rupp Architectural Collection, 1950-2004 Kinua 20-01-17
