Sinanlag na maluto

Sinanlag

Pagluto sinanlag

Popular na sinanlag sa Hongkong

Nasi goreng sa Sri Lan ka

An sinanlag na maluto o apodon sanang sinanlag, sarong giso kan pagluto nin maluto sa sartin. Ini linuluto sa dikit na lana asin parati enot ngona gigisa-gisahon an rekadong bawang, sibulyas, sibuyas, laurel, kinsamsay asin iba pa. Dangan ikinakaag na an sanlagon na maluto pati an gusto pang idugang na mga sangkap arog kan puru-pidasong karne (giniris na longganisa, halimbawa), sugok na binati, pasayan na ubak na o sirang napritos nang dati, mga gulay-gulayon arog kan green peas, ligbos, o anoman pa man na magpakusog sa namit. Sa Filipinas, parati nasanlag kan mga bahaw nang maluto na natada kan nakaaging pamanggihan asin isinasalak an mga tada-tadang mga panira kan nag'aging banggi. Komo ini sinaralak na kun ano-anong sangkap, pwede na ining kakanon na ini sana o sabayan ibang panira'. An sinanlag na maluto totoo pwede man na mayong ibang sangkap. Simple sanang ipritos sa mga ginisang rekadong bawang, sibulyas, asin gasiprot na asin magtao lang namit asin magin mainit an luma o bahaw nang maluto.^[1]

An sinanlag nagin nang popular na giso sa mga restoran sa Subangan, Sur-subangan asin Habagatan Asya asin manlaenlen na istilo asin arte sa pagluto kan sinanlag na kun aano-nong sangkap na uso o makukua sana sa saindang lugar.

Galeriya[baguhon | baguhon an source]

Mga sinanlag
Sinanlag, may karneng baka asin binabawan estrelyadong sugok
Sinanlag Schezwan sarong Indo-Tsinong giso^[2]
Cheolpan-bokkeum-bap sa lapnad na sartin
Kimchi-bokkeum-bap, popular na maray na Koreanong sinanlag
Bokkeum-bap (after eating stir-fried chicken).jpg

Tinutong na bokkeum-bap ibinodbod
Fuk gin caau faan, Hokkien na sanlag
Jyun joeng caau faan, istilong Hong Kong "mandarin ducks" na sinanlag
Khao phat, Thai na sanlag
Khao phat kaeng khiao wan, green curry malutong sinanlag
Khao phat kaphrao, Thai sinanlag may holy basil
Khao phat pu, Thai na sinanlag na may pigkirinit na laman aniit
Korean-Chinese sinanlag may jajang na sarsa
Nasi goreng na may badi asin bating sugok
Nasi goreng istimewa, espesyal na sinanlag
Javanese-Surinamese nasi goreng sa Nederlands
Nasi goreng pattaya, Malaysian sanlag may binating sugok
Nigerian sinanlag may tuyo', salad asin linugo' na tofu
Omurice (Hapon na omelet) pinagbaak, sinanlag an nakasoksok