Singsing

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
singsing na ginamit sa pagkasal

Ang singsing o anilyo sarong pidaso nin alahas na tuyong tigsusulot sa muro, partikular na sa inaapod na murong singsingan. Kadaklan gibo ini sa metal na arog kan bulawan, pirak, platino, na pwede man hali sa iba pang mga bagay na arog kan gading o kristal. Dakul man sa mga singsing ang igwang nakatampok o nakadukot na batong hiyas. Sa Libro nin Henesis kan Lumang Tipan nin Bibliya, igwang "bulawan na singsing" na nilaladawan sa Henesis 24:20 na ikinakabit sa dungo (barangkyaw), asin ini uso sa mga kababaihan sa Sirya saka Ehipto maski ngonyan pa nganing panahon. inaapod na munting singsing, siningsing, o buklod ang sarong sadit na anilyo.

Totoo igwang mga nagsusulot nin singsing bilang arte o pahiling kan saindang yaman, an singsing may simbolikong kahulogan urog na sa kasalan, napapalaen na naginibohan, halangkaw na ranggo o otoridad, pag'apil sa sarong kaayonan, asin siring pang ibang bagay. An singsing pwede man tanda nin sarong insignia sa isport na pandoon sa selyong taro o may pitak-pitak na tagoan nin anoman na bagay. Sa mito, asin piksyon na mga usipon, an singsing patos sa sarong supernatural na kabatiran.

Historya[baguhon | baguhon an source]

Mga parte nin singsing: 1) sa'long, 2) abaga, 3) bezel, asin 4) gapo o dyamanteng nakatampok

Sa Antigong Indya[baguhon | baguhon an source]

Mga singsing[1] asin iba pang klaseng mga alahas arog kan kwintas, pulseras, hikaw, kalumbigas, kalaykalay nadukayan kan nakaaging ika-3 millennium BC, Sibilisasyon nin Indus Valley. Mga pabrika na gibohan nin mga birilog-bilog na tuhugon nakua sa Lothal, Indya.[2]

Sa Antigong Haraning Sulnopan[baguhon | baguhon an source]

Mga singsing nadukayan sa mga lolobngan sa Ur sa panahon pabalik mga 2500 BC.[3] An Sibilisasyon Hittite naggigibo nin mga singsing, sakop na an singsing pangmarka, alagad diit sana nanumpongan kaini.[4] Mga tawo sa Old Kingdom Egypt nagsusulot nin iba-ibang klaseng singsing, asin magkapira kaini nagkakurutkot man, siring kan bantogan na may desenyong scarab.[4] Mga singsing nagin nang mas komun kan Ehiptong Middle Kingdom , na nagdakul na an mga arte asin desenyo sa singsing.[4] An mga Ehipsyo naggigibo bako lang mga singsing na metal mga singsing gibo sa binuling dalipay, na panregalo pa ngani.[5] Mga istilong Ehipsyo nalangtoban kan mga moda haleng Griyego asin Romano durante kan Dinastiyang Ptolemaic.[4]

Toltolan[baguhon | baguhon an source]

  1. Studies in the Development of Ornaments and Jewellery in Proto-historic India, Volume 41. p. 130. Finger rings and ring stones have been found at practically all levels of the Indus Valley Civilization 
  2. Williams, Brian (2016). Daily Life in the Indus Valley Civilization. Raintree. p. 27. ISBN 9781406298574. 
  3. Tait, Hugh, ed. (2006). 7000 Years of Jewellery. British Museum Press. pp. 23–24. ISBN 9780714150321. 
  4. 4.0 4.1 4.2 4.3 Taylor, Gerald; Scarisbrick, Diana (1978). Finger Rings From Ancient Egypt to the Present Day. Ashmolean Museum. p. 31. ISBN 0-900090-54-5. 
  5. Ogden, Jack (1992). Ancient jewellery Interpreting the pastFree registration required. University of California Press. p. 60. ISBN 0520080300.