Sirigwelas

Gikan sa Bikol Sentral na Wikipedia, an talingkas na ensiklopedya
An tinanom na sirigwelas
An mga bungang hinog kan sirigwelas
An sirigwelas hinamisan

An sirigwelas (Spondias purpurea) sarong species nin tinanom na nagbuburak, kaayon sa pamilya kan kasoy, Anacardiaceae, na ini tubong natural sa Amerika. Bisto man ini sa pangaran na jocote, na hale sa tataramon na xoctl , lenggwaheng Nahuatl[1] na an boot man nganeng sabihon maalsom o maanta' na prutas. Iba pang arapodan kaini: red mombin, purple mombin, hog plum, ciruela huesito (Venezuela), sineguela, asin siriguela.

Hinog na an prutas kaini kun bako nang berde asin namumula o giyaw-giyaw na o pwede nagkokolor nang lila-lila.

An tinanom[baguhon | baguhon an source]

Ini sadit o kasyahan na tinanom na nagkakahoy, naabot 25 pye. An mga dahon kaini nagtata' sa tig-init alagad narata' na sana kun pig'uugbosan na nin bagong mga dahon. An mga burak saradit, mamulamulang lila. An prutas matilaba pero bilogon, 3-5 sentimetro an laba asin 2-3.5 sm an lakbang, napula kun pahinog na pero minsan nadulaw asin minsan berdeng lila. An bunga igwang saro-saro' sanang pisog.

Lakop na gayo na ini sa mga ronang tropikal asin inaataman huli kan saiyang prutas, asin napatood nang magtubo sa mga iba-ibang lugar arog kan Filipinas asin Nigeria. Dagya' man ini sa Jamaica asin Amerika Sentral. Sa Florida natubang sana ini sa lugar na medyo tropikal asin ini nagagadan o natulpos sa mga temperaturang tiglipot arog kan sa Palm Beach county pasiring amnayan.

An bunga kinakakan pag hinog na, asin an namit kaini garo masorosakrot na manamis-namis. Ini pwede man atsarahon. Mismo an pisog iyo an pwedeng itanom kun boot magpatambo o an gurang nang giriw pwede man italdok.

Mga panluwas na takod[baguhon | baguhon an source]

Toltolan[baguhon | baguhon an source]