Solar Impulse

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Paghugpa kan Solar Impulse sa palayogan nin Brussels
An Solar Impulse, enerhiya solar an nagpapalayog sana

An Solar Impulse sarong eksperimental na proyekto kan sarong pribadong Swiso kun saen nagpapalayog nin eroplano na nagkukua nin pwersa asin enerhiya sa saldang sana nanggad asin an katuyohan maglibot sa ayre palibot nin kinaban sa pagpahiling na pwede an enerhiyang ini gamiton sa paglayog nin sarong pang-ayreng lulunadan.[1] An pangaran na Solar Impulse iyo padagos an pig'ngaran sa duwang operasyonal na eroplano gamit sa proyekto. An proyekto pribadong tinotostosan asin pinapangenotan kan enhinyero asin negosyanteng Swiso na sinda André Borschberg asin sikiyatra na si Bertrand Piccard, na saro pa man na aeronauta, asin an huri ngane nagpiloto na sa Breitling Orbiter 3, an pinaka'enot na balon na naglikos sa kinaban na mayong ontok.[2] An proyekto tinatarabangan pa man nin iba-ibang mga ahensya asin mga indibidwal asin sinasabing an eksperimento nagkagasto na nin sobra sa 150ng milyon na euro, poon kan 2003 sundo 2015.[3] An pilosopiya sa likod kan eksperimento iyo na dapat malinig na teknolohiya an gamiton na dai nakakahilo sa kapalibotan, asin magtolod sa mga praktis na dai nagtataong polusyon sa kinaban, manta na an pigkukuan nin enerhiya mayong kaubosan.

Mga panluwas na takod[liwaton | liwaton an gikanan]

  • [1] Around the World in a Solar Airplane. Kinua 25-4-16.
  • [2]Solar Impulse's troubled round-the-world flight: ‘We need to raise €20m'. Kinua 25-4-16.


Toltolan[liwaton | liwaton an gikanan]