Sri Jayawardenapura Kotte
An Sri Jayawardenapura Kotte(Sinhala: ශ්රී ජයවර්ධනපුර කෝට්ටේ, Tamil: ஸ்ரீ ஜயவர்த்தனபுரம் கோட்டை), bisto man sa apod na Sri Jayawardenapura o, Kotte කෝට්ටේ, iyo an kabesera administratibo kan Sri Lanka. Namomogtak ini sa bandang subangan kan Colombo, na minimidbid na kabesera nin komersyo, asin parati inaapod man na Bagong Kabeserang Teritoryo. An Parlamento kan Sri Lanka diyan namogtak poon pa kan nainaguraran na pormal an bagong edipisyo niya kan Abril 29, 1982.
Agi-agi
[baguhon | baguhon an source]An baryo nin Darugama nakaag sa kasarapongan nin duwang sipi, an Diyawanna Oya asin an Kolonnawa Oya. An Darugama daa ligtas na pailihan asin bakong dalidali pwedeng laogon kan mga kaiwal. Huli kan saiyang kamogtakan, igdi an sarong dato nagngangaran Nissanka Alagakkonara nagtogdok nin kota na inapod Kotte (boot sabihon, kota') ngane ligtas siya sa anoman na paglusob kan Kahadean nin Jaffna ni Arya Chakaravarthi.[1]
An Kotte sarong jala durgha (kuta sa tubig), sa pormang triangulo, na kun saen an katangyanan kan Diyawanna Oya asin Kolonnaw Oya iyo an nagigin duwang halabaon na gilid niya; dangan sa ikatolong gilid (na mas halipot) daga na kun saen nagkalot nin dakulang kali. An kota' haros 2.5 km² (1 milya kw.) an hiwas, pinapusog nin mga sangki' na kagagapoan, na an langkaw niya 2.5 m asin an lakbang 10.7 m.[1]
Kan 1391, pakadaog asin pagkasakop kan kahadean nin Jaffna ni Prinsipe Sapumal (Sembahap Perumal), an Kottee binansagan na 'Sri Jayawardhanapura' ('namomolaag na siyudad nin kapangganahan'). Nagin ining kabesera kan lumang Kahadean nin Kotte na nagdanay an siring hanggan ika-16 na siglo.[2]
An mga Portuges nagdatong sa kapuroan kan 1505 asin enot'enot sinabat nin maogma kan hade. Alagad, sinda sinakop nin piritan asin pigkontrol an lugar kan taon 1565. Apesar siring, an mga Portuges binayaan an lugar huli sa daing ontok na paglusob kan mga pwersa kan kadolon na kahadean nin Sitawaka asin sinda nag'isog sa Colombo na iyo na an ginibo nindang kabesera.
An urbanisasyon kan Kottee nagpadagos kan ika-19ng siglo. An mga artifak arkeolohiko pigbuburungkal asin ginagamit na pantogdok, an iba ngane daa ginamit pa sa Tulay Victoria, sa ibong kan salog nin Kelani.
Lehislatura
[baguhon | baguhon an source]An Bagong Parlamento pig'inaguraran kan Abril 29, 1982. Ini tinogdok sa tahaw nin sarong danaw na naporma huli sa paghonggad kan si katangyanan sa palibot kan Diyawanna Oya. An mga bagong edipisyo kan Parlamento tinogdok sa Duwa, oro-islang nagsusukol 50,000 metro kwadrado, na itinambak sa tahaw nanggad kan si danaw na naporma. Kan Abril 29, 1982, an complex nin mga edipisyo kan Parlamento pigdeklarang bukas na kan si dating presidente, si J.R. Jawardene.
An proseso nin pagrelokasyon kan mga institusyon nin gobyerno haleng Colombo pasiring igdi sa Kotte pasige pa.
| 2001 | Porsentahe | |
|---|---|---|
| Sinhalese | 101,331 | 87.49% |
| Sri Lankang Tamil | 6,583 | 5.68% |
| Indianong Tamil | 786 | 0.68% |
| Sri Lankang Moor | 4,031 | 3.48% |
| Burgher | 1,367 | 1.18% |
| Malayu | 919 | 0.79% |
| Sri Lankang Chetty | 65 | 0.06% |
| Baratha | 57 | 0.05% |
| Iba pa | 687 | 0.59% |
| Total | 115,826 | 100.00% |
| Budista | 93,364 | |
| Hindu | 4,550 | |
| Islam | 5,465 | |
| Katoliko Romano | 8,659 | |
| Ibang mga Kristiyano | 3,618 | |
| Iba pa | 170 |
Mga panluwas na takod
[baguhon | baguhon an source]- Gobyerno
- Government of Sri Lanka Official Web Portal
- The Parliament of Sri Lanka
- CIA Fact Book[permanent dead link]
- Ministry of Defence : Sri Lanka
- Edukasyon
- Historya
- 1400-1565 A. D Archived 2007-10-16 at the Wayback Machine.
- Decline of the Sinhalese Kingdom Archived 2010-12-14 at the Wayback Machine.
- Kotte's History Archived 2009-05-24 at the Wayback Machine.
- Ruins of the ancient Kotte Kingdom Archived 2009-06-18 at the Wayback Machine.
Toltolan
[baguhon | baguhon an source]- 1 2 http://www.ds.gov.lk/ds/kotte/english/index.php?p=cultural_background
- ↑ "European encroachment and dominance". U.S. Library of Congress. Archived from the original on 2006-10-05. Retrieved 2007-02-26.
