Stefano Gabbana
Si Stefano Gabbana namundag kan 14 Nobyembre 1962) sarong paradisenyo nin moda asin kaiba si Domenico Dolce, an kagmuknâ kan Dolce & Gabbana na mamaalon na tindahan.
Buhay[baguhon | baguhon an source]
Namundag si Gabbana sa Milan sa saiyang ama na nagtatrabaho sa imprentahan asin sa an saiyang ina na nagtatrabaho sa paglaba. An saiyang pamilya gikan sa Veneto: namundag an saiyang ina sa Ceggia asin an saiyang ama sa Cessalto. Naggraduar siya Istituto Superiore per le Industrie Artistice, sarong insititusyon ning desinyo sa Roma.
Karera[baguhon | baguhon an source]
Kan 1980, nabisto ni Gabbana an Sicilian na si Domenico Dolce sa paagi kan among ni Dolce, paradisenyo nin Giorgio Correggiari. Si Correggiari, na nagadan kan 2012, grabe an impluwensya sa saindang duwa, sabi ni Gabbana kan 2013: " Bako siyang bantog na marhay. Alagad para sa samo siya mahalaga. Tinokdoan niya kami orog na kun ano an dai gigibohon."
