Steven Spielberg
| Steven Spielberg Gawad,Order of Merit of the Italian Republic | |
|---|---|
 Spielberg sa 2017 San Diego Comic-Con | |
| Kamundagan | Desyembre 18, 1946 Cincinnati, Ohio, U.S. |
| Dinakulaan | East Hampton, New York, U.S. Naples, Florida, U.S. New York City, U.S. Pacific Palisades, California, U.S. |
| Alma mater | California State University, Long Beach |
| Trabaho | Direktor, prodyuser, screenwriter |
| Mga taon na aktibo | 1969–presente |
| Yaman | asset, $3.7 billion (2016)[1] |
| Agom | Amy Irving (m. 1985; div. 1989), Kate Capshaw (m. 1991) |
| Mga aki | 7, kabarali sa Jessica Capshaw asin Sasha Spielberg |
| Sadiring-tao | Arnold Spielberg (ama) Anne Spielberg (tugang) |
| Lagda |  |
Si Steven Allan Spielberg KBE OMRI (Cincinnati, Desyembre 18, 1946) sarong Amerikanong paragibong pelikula, direktor, prodyuser, asin screenwriter. Siya hinihiling bilang saro sa pinakalataw asin pinakapopular na direktor asin prodyuser sa historya nin pelikula. Siya katuwang-kagmukna kan DreamWorks Studios.[2][3]
Kinaamayi kan Buhay[baguhon | baguhon an source]
Si Spielberg ipigmundag kan Disyembre 18, 1946 sa Cincinnati, Ohio. An saiyang ina, si Leah, (née Posner, na nagin Adler; Enero 12, 1920 – Pebrero 21, 2017), sarong restaurateur asin pianista sa konsyerto, asin an saiya man na ama, si Arnold Spielberg (ipinangaki kan 1917), saro man na electrical engineer, trabaho kaini impartikular an paghaman nin mga computer. An saiyang pamilya, kairiba sa Orthodox Jewish. An mga apoon ni Spielberg sa ama, mga imigranteng Jewish-Russian na nag-iristar na sa Cincinnati kan 1900s; an saiyang lolahun taga-Sudylkiv, an saiya man na lolohun gikan sa Kamianets-Podilskyi. Kan 1950, an saiyang pamilya naglipat na pasiring sa Haddon Township, New Jersey, kan an saiyang ama magkaigwa nin trabaho sa RCA. Tulong taon an makalihis, an bilog na pamilya nagpasiring sa Phoenix, Arizona. Si Spielberg nagklase sa sarong Hebreong eskwelahan poom 1953 hasta 1957. An saiyang maestro iyo man si Rabbi Albert L. Lewis.
Bilang sarong aki, si Spielberg nagkaigwa nin pagsakit bilang sarong Orthodox Jew. Huli ini sa nagigin paghiling saiya kan iba nyang mga katood. "Bako ini an bagay na ikinakaogma kong akuon", minsan sinabi nya, " alagad kan ako pito, walo, o syam na taom na, patawara ako kan Dios, nasusupog ako huli ta kami mga Orthodox Jews. Dai man talaga ako nasusupog huli ta ako sarong Jewish, alagad dai sana ako matuninong paminsan." Sinabi man ni Spielberg na nakadanas man sya nin panggigipit asin anti-Semitic na mga predusiya: "Kan highschool, pirmi akong nasasampaling asin pinagsisikad-sikadan. Pirming nagdudurugo an sakong mga dungo." Kan sya mag-edad nang 12, ginibo nya an saiyang inot na puro-pelikula sa harong sana: sarong pagkaraot kan tren kun sain kaayon igdi an saiyang mga kawatan na Lionel Trains. Sa lawig kan saiyang pagkahoben, asin pakalihis na maglaog sya sa highschool, si Spielberg padagos sa paghaman nin mga amatyur, 8mm, na mga pelikulang igwang temang "adventure".
Mga pelikula[baguhon | baguhon an source]
Sa karerang naglawig nin labing apat na dekada, an mga pelikula ni Spielberg manlaenlaen an tema asin genre. Mga enot niyang mga adbenturang pelikula iyo an Jaws (1975), Close Encounters of the Third Kind (1977), Raiders of the Lost Ark (1981), asin E.T. the Extra-Terrestrial (1982) na hiniling na mga pasaling pampantasya asin lupad-isip. Mga huring pelikula niya nagrarom an mga tema manongod orog sa mga problema asin mga isyu sa sosyedad arog kan The Color Purple (1985), Empire of the Sun (1987), Schindler's List (1993), Amistad (1997), Saving Private Ryan (1998), Munich (2005), War Horse (2011), Lincoln (2012), Bridge of Spies (2015), asin The Post (2017). Iba pa niyang mga pelikula kabali an mga minasunod, Jurassic Park (1993), A.I. Artificial Intelligence (2001), asin War of the Worlds (2005). [4][5]
Si Spielberg nasikwit an Academy Award para sa Best Director sa pelikulang Schindler's List asin Saving Private Ryan, asin pa makua an limang nominasyon. Tolo kan pelikula niya—Jaws, E.T. the Extra-Terrestrial, asin Jurassic Park— nagputok sa takilya asin nagin representasyon kan sinasabing blockbuster film. Mga pelikulang pigderihir niya nag'ani sobrang $9 na bilyon sa bilog na kinaban, bagay na siya na an nagbebentang husto bilang direktor sa historya nin pelikula. Tinatanya na an saiyang personal na yaman nag'aabot sobra sa $3.7 bilyon.[6]
