Taeyeon

Gikan sa Bikol Sentral na Wikipedia, an talingkas na ensiklopedya
Taeyeon
Si Taeyeon kan 2019
KamundaganKim Tae-yeon
(1989-03-09) Marso 9, 1989 (edad 35)
Jeonju, Norteng Jeolla, Sur na Korea
Trabaho
  • Parakanta
Musical career
Mga genre
  • K-pop
  • pop rock
  • R&B
  • soul
Mga instrumentoBoses
Taon na aktibo2007–Ngunyan
Mga tatak
  • SM
  • Universal Japan
Katakod na akto
WebsityoOpisyal na websityo

Si Kim Tae-yeon (namondag kan Marso 9, 1989), bistado man bilang si Taeyeon, iyo sarong Sur na Koreanong parakanta. Nagdebyu siya bilang miyembro kan babaying grupo na Girls' Generation kan taon 2007, na iyo nagin saro sa pinakamabentang artista sa Sur na Korea asin saro sa pinakapopular na Sur na Koreanong babaying grupo sa kinaban, asin padagos na nagpapartisipar sa iba pang mga proyekto kan SM Entertainment, arug kan Girls' Generation-TTS, SM the Ballad, asin Girls' Generation-Oh!GG.

Kan 2015, pigluwas ni Taeyeon an saiyang debyung extended play na "I", na iyo kabali an numero unong titular na solo sa Gaon Digital Chart kan Sur na Korea. Kan 2016, pigluwas niya an numero unong solo kan SM Station na "Rain", na pigsundan kan saiyang ikaduwang extended play na Why, na iyo nakua man an pinakahalangkaw na posisyon sa Gaon Album Chart. An saiyang debyung studio album na My Voice (2017), nakaguno nin top-five na solo sa "11:11", "Fine" asin "Make Me Love You". Kan 2018, si Taeyeon nagpasiring sa lado nin musika sa Hapon para sa digital na solong "Stay", na pigsundan nin extended play na Voice kan 2019. An saiyang ikaduwang studio album na Purpose (2019) iyo itinampok an mga matrayumpong solo na "Four Seasons" asin "Spark".

Sa telenisyon, si Taeyeon nagluwas bilang pangenot na karakter sa mga reality show na We Got Married (2009), Begin Again (2019), asin iyo presenteng nagsisirbe bilang pangenot na host para sa Amazing Saturday (2020–Ngunyan). Dugang pa kaiyan, nagrekord naman siya nin mga soundtrack para sa nagkapirang mga telebisyon na drama na matrayumpo, notable an "If" para sa Hong Gil-dong (2008), "Can You Hear Me" para sa Beethoven Virus (2008),[1] asin an suminikat na "All about You" para sa Hotel del Luna (2019).

Huli ta nakabenta nin harus sarong milyong pisikal na album asin bente milyong digital na solo hasta 2021, si Taeyeon iyo saro sa pinakamabentang solong artista sa Sur na Korea. Nakaguno man siya nin nagkapirang mga gawad asin nominasyon, kabali na an anom na Golden Disc Awards, limang Seoul Music Awards, tolong Gaon Chart Music Awards, tolong Melon Music Awards, sagkod tolong Mnet Asian Music Awards.

Panluwas na takod[baguhon | baguhon an source]

Toltolan[baguhon | baguhon an source]

  1. The Dong-a Ilbo (in Korean). March 28, 2013 https://web.archive.org/web/20191030111735/http://www.donga.com/news/article/all/20120328/45102168/4. Archived from the original on October 30, 2019. Retrieved October 30, 2019.  Unknown parameter |url-status= ignored (help); Missing or empty |title= (help)