Taharrush Jamai

An Taharrush Jamai sarong praktis kultural na nagpoon sa Tangang Subangan, na pinapaluwas garo 'kawat' lamang kan mga kalalakihan, kun saen inaarabongan an sarong babae sa tuyong pagbastos saiya, pagkaplog, asin sagkod sa paglugos saiya sa atubangan nin nagdadaralan. An mga lalaking iyo an nagbabastos napalibotan pa nin ibang kalalakihan na nakikiagawan sa pagrani sa biktimang babae ngane makabali sa pangangaplog asin sa pagbabastos. Sa mga lalaki, garo sana ini bakong krimen kundi arabrakan.

Nata'wan atensyon ini kan Media sa Solnopan kan an sarong CBS Reporter na si Lara Logan nagin biktima sa siring na kawat kuno kan siya nagpaduman sa Ehipto kan 2011 sa pagkuang bareta manongod kan pagbagsak kan rehimen ni Presidente Hosni Mubarak.

Etimolohiya

Sa Arabo an kahulogan kan 'taharrush', 'arabong na pagngangalwag', 'arabong na pambabastos' (Ingles, collective harassment). Alagad, an katunayan, ini may hararom na elemento na sekswal kun saen sarong grupong kalalakihan na pwede pang mag'abot sa ginatos, binabarastos an magkapirang babae na bako sanang kinakaplog, kinakarapkap an hawak kan mga babae, kundi man sagkod sa maggumlo sa mga suso kaini, pigriton an lubot, asin sa tahaw nin kadakul na tawo na ribong kun anong nangyayari, linulupigan pa an an binabastos ninda. Nangyayari ini ta may sirkulong mga kalalakihan na nakapalibot igdi asin tinatahoban na dai mahiling an ginigiribo.

Mga panluwas na takod

• [1] The Arabic gang-rape 'Taharrush' phenomenon. Kinua 20-7-16.
• [2] Archived 2016-04-20 at the Wayback Machine. Arab RAPE GAME Taharrush Jamai. Kinua 20-7-16.
• [3] Neither Taharrush Gamea Nor Sexism Are Arab ‘Cultural Practices’. inua 20-7-16.