Tantrikong pagdurog

Jambhala (Kubera) dios sa Tibet (18th-19th century).

Buddhist Mahasiddhas na naggigibo nin tantrikong yoga

An tantrikong pagdurog o sekswal na yoga (Ingles: tantric sex) iyo nanonongod sa dakol na klase nin kaugalean sa Hindu asin Budhistang tantra na gumamit nin sekswalidad sa ritwal o yoga na konteksto, na sa parate konektado sa antinomiano o bakong purong mga elemento, arog baga nin pag - inom nin de alkohol, asin mga dolot na bakong puro na mga bagay arog nin karne sa maringis na mga dios. Sa partikular, an sekswal na mga pluwido iyo ibinibilang na "mga power na sustansya" asin ginagamit sa ritwalistikong paagi, posibleng sa luwas o sa laog.

Kaiba sa aktwal na mga termino na ginamit sa klasikong mga teksto tanganing ipanongod sa kaugalean na ini an "Karmamudra" (Tibetan:ལས་ཀྱི་ཕྱག་རྒྱ las kyi phyag rgaya, "selyong aksyon") sa mga tantrang Budhista asin "Maithuna" (Devanagari: मैथुन "coupling") sa mga ginikanan na Hindu. Sa Hindu Tantra, an Maithuna iyo an pinakamahalaga sa limang makara (limang tantrikong sustansya) asin iyo an pangenot na kabtang kan Grand Ritual of Tantra na laen - laen an pagkamidbid bilang Panchamakara, Panchatattva, asin Tattva Chakra. Sa Budismong Tibetan, an karmamudra iyo parate an mahalagang kabtang kan pagkahaman kan completion stage kan tantrikong kaugalian.

Minsan ngani posibleng may koneksyon sa pag - oltanan kan mga kaugalean na ini asin kan literaturang Kāmashāstra (na kaiba an Kāmasūtra), an duwang kaugalean na tradisyon iyo igwa nin magkalaen na mga paagi na may magkalaen na mga katuyuhan. Arog kan sabi kan Briton na Indolohista na si Geoffrey Samuel, mantang an mga literaturang kāmashāstra iyo manongod sa paghanap nin sekswal na kaogmahan (kāmā), an sekswal na mga kaugalean sa yoga parateng may katuyohan sa paghanap nin katalingkasan (moksha).