Teresa C. Younger

Si Teresa C. Younger sarong aktibista, nag-aadbokasiya, bantog na parataram, taga-estratehiyang pan-organisasyonal asin lider kan mga pilantropn asin pampolisiyang sektor. Sa ngunyan, sya an nagseserbeng CEO asin presidente kan Ms. Foundation for Women. Sya nag gradwar man sa Unibersidad kan Norteng Dakota. Sa lawig nin 20 taon, sya nakilaban para sa pagkakaparantay asin sa paghali kan institusyunal na opresyon.

Si Younger saro man na lider na naghaman nin mga kritikal na interseksyon sa kasarian asin rasa. Kaayon man sya sa Grantmakers for Girls of Color, Funders for Reproductive Equity, Philanthropy New York asin sa. Black Funders for Social Justice.

Kan taon 2015, si Youner napili man na magin Dream Keeper kan Planned Parenthood Federation of America asin man kan sumunod na taon, sya nagin saro sa “50 Most Powerful Women in Philanthropy” sa lista na pinaluwas kan Inside Philanthropy.

Si Young dati man na nagserbe bilang ehekutibo-direktor kan Connecticut General Assembly’s Permanent Commission on the Status of Women asin ehekutibo-direktor sa ACLU kan Connecticut - na iyo an naggibp saiya bilang primerong Aprikan-Amerikan na babayi na magkapot kan siring na posisyon.

Sa media asin mga gawad

Naipahiling naman sya sa mga pirang programa sa telibisyon asin sa radyo, asin sa nagkakapirang beses, sa magasin. Pira sa mga ini, iyo an mga minasunod: MSNBC’s UP kaiba si David Gura, NBC News, NPR Radio, Elle Magazine, Cosmopolitan, SiriusXM, asin sa USA Today, AP, Rewire, BadassWomenLeaders.com podcast pati man sa New York Times.

Nakabali man sya sa sarong libro, an Big Impact: Insights & Stories from America’s Non-Profit Leaders, na ipigsurat ni Linda C. Hartley asin ni Vivien Hoexter (nagluwas kan 2017). Manunungod ini sa mga lider na nakakua nin mga marhay na solusyon sa mga problemang pan-sosyeded. Kaayon man sya sa Women’s Leadership Online Summit (Setyembre 2018) dangan pigmidbid kan The Council on World Affairs, Aspen Institute, Princeton University, Harvard University, asin kan NetRoots Nation.

Kan taon 2013, pignumrahan sya bilang Henry Toll Fellow by The Council of State Governments, saro sa mga pan-nasyunal na pagpatalubong programa para sa mga lider asin bilang fellow man sa William Caspar Graustein Courageous Community Fellowship. Kan 2010, sya man nagpasiring sa Saudi Arabia bilang parte kan The Global Women’s Leadership Institute, sarong proyekto para sa pan-ekonomikal na pagtalubo. Kan 2009, napili syang magpartisipar sa National Council of State Legislatures Legislative Staff Management Institute.