Tessa Khan

Gikan sa Bikol Sentral na Wikipedia, an talingkas na ensiklopedya

Si Tessa Khan sarong abogado sa kapalibutan na nakaistar sa United Kingdom. Saro sya sa mga kagtugdas asin katuwang na direktor kan Climate Litigation Network, na nagtutuwang sa mga legal na kasong konektado sa mitigasyon sa pagbabago kan klima asin hustisya sa klima.

Ipinangatanusan ni Khan na an mga gobyerno nasyunal tuyong nagganansya sa naglalangkaw na lebel nin carbon dioxide asin nagkawsa nin danyos sa kapalibutan, kabali na an pagigin parte sa mahalagang ehemplong Climate Case Ireland.[1]

Agi-agi[baguhon | baguhon an source]

Korte Suprema kan Netherlands, An Hague

Imbwelto si Tessa Khan sa batas sa karapatan pantawo asin sa pagkakampanya nin adbokasiya.[2]

Sa Thailand, nagtrabaho siya para sa sarong non-profit na organisasyon para sa karapatan pantawo kan mga kababaihan[3]. Mantang sya yaon duman kan 2015, naaraman nya an sarong hatol sa Hague na nagbubuot sa Netherlands na padikiton an greenhouse-gas emissions. Nainspirar kan kaso, si Khan nagbalyo sa London tanganing magbali sa legal team kan Urgenda Foundation kan 2016.[3][4]

Pigmukna ni Khan an Climate Litigation Network kaiba an Urgenda Foundation tanganing suportaran an mga kaso dapit sa klima sa bilog na kinaban. Nagsirbi sya bilang katuwang na direktor kan Climate Litigation Network. Sa paagi kan organisasyon, mapangganang tinabangan nya an mga grupo nin aktibista na magsangat nin kaso kontra sa sadiri nindang mga gobyerno.[5] Nag-aako ini nin kaso gikan sa manlain-lain na parte kan kinaban, kaiba an Canada, Netherlands, New Zealand, Norway, Pakistan, asin South Korea.[5]

Sinuportaran nya an mga kaso sa Netherlands asin Ireland na mapangganang inangat an kakulangan nin mga plano kan gobyerno na inaan an mga emisyon.[5][6] Kan Disyembre 2019, sa kasong State of the Netherlands v. Urgenda Foundation, an Korte Suprema kan Netherlands pigbuot na tapyasan kan gobyerno an kapasidad kan mga planta nin karbon asin magbutas nin EUR3 bilyones na puhonan sa pagtulod para inaan an mga emisyon nin karbon.[5] An kapangganahan na ini ipigladawan kan The Guardian bilang "pinakamatrayumpong asuntong panklima kan panahon na idto."[7]

Kan Agosto 2020, sa binibisto ngunyan bilang Climate Case Ireland, nagdesisyon an Korte Suprema kan Ireland na an gobyerno kaini gumibo nin bago asin mas ambisyosong plano tanganing inaan an mga emisyon.[5][8] Nag-iikatulo an Ireland sa greenhouse gas emissions per capita sa mga nasyon sa European Union[5].

Nakaresibi si Tessa Khan nin Climate Breakthrough award kan 2018.[9] Kan 2019, ibinali sya kan Time sa lista nin 15 kababaihan na nanginginot sa pakikilaban kontra sa pagbago kan klima.[3]

Susugan[baguhon | baguhon an source]

  1. Harvey, Fiona (2020-06-12). "Climate crisis to blame for $67bn of Hurricane Harvey damage – study". the Guardian. Retrieved 2021-03-14.
  2. ""Tessa Khan". Climate Breakthrough Project. Retrieved 2021-03-14". Archived from the original on 2022-07-20. Retrieved 2021-05-02. 
  3. 3.0 3.1 3.2 "Meet 15 Women Leading the Fight Against Climate Change". Time. Retrieved 2021-03-14.
  4. Timperley, Jocelyn (July 8, 2020). "The law that could make climate change illegal". BBC. Retrieved 2021-03-14.
  5. 5.0 5.1 5.2 5.3 5.4 5.5 Kusmer, Anna (August 13, 2020). "Activists took the Irish govt to court over its national climate plan — and won". The World from PRX. Retrieved 2021-03-14.
  6. Khan, Tessa (2020-08-16). "Tessa Khan: 'Litigation is a powerful tool in the environmental crisis'". The Guardian. Retrieved 2021-03-14.
  7. Watts, Jonathan (2020-04-24). "Dutch officials reveal measures to cut emissions after court ruling". The Guardian. Retrieved 2021-03-14.
  8. Kaminski, Isabella (2020-07-31). "Ireland forced to strengthen climate plan, in supreme court win for campaigners". Climate Home News. Retrieved 2021-03-14.
  9. "Climate Breakthrough Awardees". Climate Breakthrough Project. Retrieved 2021-03-14.