The Flying Wallendas
An The Flying Wallendas iyo an circus act asin grupo nin daredevil stunt performers na nagperform sa highwire acts na mayo nin safety net. Midbid sinda enot bilang The Great Wallendas, alagad an presenteng ngaran iyo an nagin ginibong ngaran kan prensa kaidtong dekada 1940 asin nagdanay poon kaidto.
Kasaysayan[baguhon | baguhon an source]
Si Karl Wallenda namundag sa Magdeburg, Alemanya, kaidtong 1905 sa dati nang pamilya nin nagsisirko, asin nagpoon na magperform sa edad na anom. Mantang siya tin-edyer pa sana sinimbag niya an ad para sa sarong "hand balancer na may kusog nin boot." An saiyang ano na si Louis Weitzman, tinukdoan siya kan kalakaran. Kaidtong 1922, ginibo ni Karl an saiyang sadiring akto kaiba an saiyang mga tugang na lalaki na sinda Herman, Joseph Geiger, asin sarong tin-edyer na babayi na si Helen Kreis, na sa huri nagin niyang agom.
