Teotimo Pacis

Si Teotimo Cruel Pacis C.M., D.D. (Abril 20, 1913 - Hulyo 8, 1984) sarong Bikolanong padi. Nagin siyang obispo kan Palo, Leyte (1967) asin ika-2ng obispo (1969) kan dioceses nin Legazpi.

Kompositor asin parasurat, saro siya sa pading naghingoa na makumpletong maBikol an misal na ginagamit sa pagmisa sa Simbahan katoliko. Sa ibang mga sinusurat niya, naggagamit siya kan tagong'ngaran na "De la Paz."

Edukasyon asin pagkapadi

Namundag siya sa Tiwi, Albay. Nagkua siya kan elementarya niya sa eskwela publika sa Tiwi, nag'entra sa Seminario Conciliar de Nueva Caceres kan saiyang sekundarya, asin nagkua kan kurso sa Edukasyon sa Unibersidad kan Santo Tomas asin sa parehong unibersidad tinapos niya an Doktorado sa Sagrada Teolohiya. Siya naglaog sa orden kan Congregacion de la Mision , orden na tinogdas ni San Vicente de Paul asin naordenan bilang padi kan Marso 20, 1943., bilang Obispo kan Palo, Leyte kan Enero 25, 1967, dangan nahubo' sa Legazpi kun saen siya nanombrahan bilang ikaduwang obispo kaini kan Hulyo 9, 1969.

Siya an pinakaenot na Filipino nangagin Pading Paul, pinakaenot na Filipinong pading Paul nangagin rektor (1958) kan Seminario Conciliar de Nueva Caceres asin pinakaenot na Filipinong pading Paul na nagin Obispo.

Nagretiro siya sa aktibong serbisyo kan Hunyo 4, 1980 asin nagadan sa edad na 71 sa aktong gayo na nagmimisa sa Seminario ni San Vicente. Ilinubong siya sa Assumpta Park kan Daughters of Charity Provincial House sa Paranaque, Metro Manila.

Mga panluwas na takod

• http://baaohistoricalsociety.blogspot.com/2008/09/resuene-vibrante.html Si Obispo Pacis an nagtaong letra sa Bikol kan himnong Resuene Vibrante

Ginonoan

• Opisyal na publikasyon kan Dioceses nin Legazpi.
• Retrato niya kinua sa Museo del Seminario Conciliar del Nueva Caceres