Tom Selleck
Si Thomas William "Tom" Selleck (namundag Enero 29, 1945) sarong Amerikanong aktor asin prodyuser nin pelikula. Nagluwas na sa sobra 50 pelikula, siya nagpapel bilang imbestigador pribadong si Thomas Magnum sa seryeng telebisyon Magnum P.I. (1980–1988), bilang Peter Mitchell sa Three Men and a Baby asin Three Men and a Little Lady. Bago kaiyan, may balik-balik siyang papel bilang Lance White, an makonswelong garo sano' na kapadis ni Jim Rockford (pinapelan ni James Garner) sa The Rockford Files. Siya man nagpapel komo Police Chief Jesse Stone sa sarong serye nin pelikula na pangtelebisyo binase sa mga nobela ni Robert B. Parker. Poon kan 2010,siya saro sa mayor na cast member komo NYPD Commissioner Frank Reagan sa dramang seryeng Blue Bloods sa CBS.
Si Selleck, na sobra nang 50ng beses nagluwas sa mga pelikula asin mga pasaling telebisyon, nagpapel man sa Quigley Down Under, Mr. Baseball, asin Lassiter. Siya nagluwas bilang Dr. Richard Burke sa Friends asin bilang A.J. Cooper sa serye sa telebisyon sa Las Vegas.
Pamilya asin Pag'adal[baguhon | baguhon an source]
Si Selleck namundag sa Detroit sa magurang niyang sa Martha Selleck asin Robert Dean Selleck, sarong investor sa real estate. An dugo ninda guminikan sa Ingles,asin siya may relasyon sa kolonistang Ingles na si Davide Selleck na naghubo' sa Massachusetts haleng Somerset, Inglatierra kan 1633. Siya may tugang na lalake si Robert, tugang na babae si Martha asin ngohod na tugang na lalake si Daniel. Naggraduar siya sa Grant High School kan 1962, asin nag'entra sa University of Southern California manta na nagtrabaho komo sarong modelo, asin igwa pa man siyang scholarship bilang basketbolista sa unibersidad.
Nagkukua siya duman nin kurso sa Business Administration alagad may sarong drama coach nagswestyon saiya na ikarera an pagigin aktor kaya siya nag'adal akting sa Beverly Hills Playhouse sa pangataman ni Milton Katselas. Kan natoka siya magsirbe sa Hokbo huli sa Gerang Biyetnam siya naglaog sa California National Guard, poon 1967 abot 1973.
