Tradisyonal na mga kawat sa Filipinas
An mga tradisyonal na mga kawat sa Filipinas o katutubong kawat sa Filipinas (Tagalog: Laro ng Lahi) iyo an mga kawat na nakawat nin kadakol na henerasyon, na sa parate naggagamit nin mga materyales o instrumentong katutubo. Sa Filipinas, huli sa limitadong rekurso para sa mga kawatan, an mga aki parateng nag-iimbento nin mga kawat na dai nangangaipo nin ano man apwera sa mga parakawat. Igwa nin mangiribaiba-ibang klaseng tradisyunal na karawat na angay sa mga kaakian, asin an mga kawat man nalalain sa lambang kultura asin/o tradisyonal na karawat kan Filipinas. An mga karwat na ini bako sanang maugmang kawaton asin nangangaipo nin manlainlain na abilidad. An mga kawat na ini mahalaga man na kabtang sa kulturang Filipino.
An tradisyunal na mga kawat sa Filipinas, arog kan luksong baka, patintero, piko, asin tumbang lata na kinakawat kan mga aki.[1] An yo-yo, sarong popular na kawatan sa Filipinas, ipinabisto sa modernong porma kaini ni Pedro Flores na an pangaran kaini hale sa tataramon na Ilocano.[2][3]
Toltolan
[baguhon | baguhon an source]- ↑ Corbett, Doris; Cheffers, John; Sullivan, Eileen Crowley (2001). Unique Games and Sports Around the World: A Reference Guide (in English). Greenwood Publishing Group. pp. 178–185. ISBN 978-0-313-29778-6. Retrieved 3 September 2020.
- ↑ Scott, Sharon M. (December 9, 2009). Toys and American Culture: An Encyclopedia: An Encyclopedia (in English). ABC-CLIO. p. 112. ISBN 978-0-313-34799-3. Retrieved 3 September 2020.
- ↑ Yo-yo. (2010). In Merriam-Webster Online Dictionary. Retrieved January 10, 2010.
