Tsuria Díaz

Tsuria Diaz
Tsuria Diaz
Kamundagan	Tsuria Díaz Bolio Reyes; May 7, 1989 (edad 34); Mexico City, Distrito Federal, Mexico
Trabaho	Aktres
Mga taon na aktibo	1998-presente
Websityo
	http://TsuriaDiaz.com

Si Tsuria Díaz Bolio Reyes (namundag sa Mexico City, Distrito Federal, Mexico, Mayo 7, 1989) sarong Mehikanong aktres may darang pangaran na Tsuria Díaz.

Biograpiya[baguhon | baguhon an source]

Si Tsuria kaamayi kan saiyang edad nagpahiling na nin interes sa arte orog na sa pag'akting asin sa mga pasaling pampubliko, asin ta siya nagbibida na sa mga TV commercials. Kan 1998 an saiyang karera opisyalmenteng nagpoon na, ta siya nagtatrabaho bilang sports reporter para sa Canal 5 (XHGC-TV) sarong bukas na channel sa Mexico.

Durante kan panahon na idto, poon 2000 abot 2004 siya padagos na nagbabali sa mga iba-ibang mga TV commercial. Kadungan igdi, siya nag'aadal akting sa Casa Azul, an Argos Comunicación acting academy.

Pakalihis igdi, siya nagkawat sa papel na Marimar sa dramang “Perras”.

Kan mga 2008, siya naimbwelto sa TV seryeng “Me Mueves” bilang Cristina para sa Once TV Mexico. Kan 2011, siya nag'adal nin Short Acting Courses sa Central School of Speech & Drama (CSSD) University of London. Kan parehong taon, siya kaiba sa mayor na cast kan “El Octavo Mandamiento” bilang Cecilia Gallardo, sarong Argos Comunicación na produksyon para sa Cadena Tres, an Direktor iyo si José Luis García Agraz.

Kan 2012, siya parte kan cast sa seryeng telebisyon na “La Ruta Blanca” bilang si Rosa, na sarong El Mall na pr4oduksyon pigdirihe ni Carlos Garcia Agraz.

Parehong taon，parte siya kan mayor na cast sa “Rosa Diamante” sarong Telemundo soap opera na an papel niya bilang si Valeria Sotelo.

Kan 2014, siya nag'adal sa Centro de Educación Artística CEA Televisa. Kan 2015, siya nagpartisipar sa TV show na “Como dice el dicho”.

Kan 2016, siya naglipat sa Los Angeles sa Stella Adler Studio of Acting.