Twitter

Gikan sa Bikol Sentral na Wikipedia, an talingkas na ensiklopedya
Logo na ginamit poon kaidtong Hulyo 2023

An Twitter sarong websityo, rogaring asin pinagpapadalagan kan Twitter, Inc. na nagtatangro nin serbisyo sa pakikipag-uruurulay asin pagpadara nin mga mensaheng haralipot paagi sa SMS (sa pagtext na mensaheng serbisyo) asin blogging na siring man haralipot sana. Sa siring na paagi, an mga paragamit nakakapadara asin nakakabasa kan mga mensaheng ini na inapod mga siyap o "tweet" (mga pagobkas). Naiiba an sinasabing siyap ta pwede sana an paragamit magpadara nin abot 140ng karakter, na nahihiling sa profile page kan paragamit.

An websityo yaon makukua sa San Francisco, California. An Twitter igwa man mga server asin mga opisina sa San Antonio asin Boston. An Twitter dati nainkorporar sa California alagad kan taon 2011, an inkorporasyon niya ginibo na sa Delaware.[1]

An Twitter pigmukna kan Marso 2006 ni Jack Dempsey asin ibinungsod kan Hulyo. Poon kadto an Twitter nagin popular na marhay sa bilog na kinaban asin tinatayang igwang lampas 200 milyon na paragamit, na nagpapadara nin 190 milyon na tweet aro-aldaw asin nakakaresibe nin 1.6 bilyon na mga paghahanap sa sayt aro-aldaw.[2] Inapod ining "SMS kan Internet".[3]

Mga panluwas na takod[baguhon | baguhon an source]

Toltolan[baguhon | baguhon an source]

  1. California Secretary of State (18 February 2011). "California Secretary of State, Business Entities - Business Entity Detail". Retrieved 23 February 2011. 
  2. Twitter Search Team (2011-05-31). "The Engineering Behind Twitter's New Search Experience". Twitter Engineering Blog (blog of Twitter Engineering Division). Retrieved 2011-06-10. 
  3. D'Monte, Leslie (April 29, 2009). "Swine Flu's Tweet Tweet Causes Online Flutter". Business Standard. Retrieved February 4, 2011. Inapod man na 'SMS of the internet', an Twitter libreng social networking asin microblogging