USS Constitution

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
An USS Constituion kan Estados Unidos

An USS Constitution, midbid man sa apod na Old Ironsides, sarong fragata gibo sa kahoy na tolo an polayagan asin ini pagrorogaring kan Hokbong Pandagat kan Estados Unidos. Ini an sinasabing pinakagurangan na bapor na anoman na tipo sa bilog na kinaban na naglalataw pa asin ginagamit pa. Ini pigbungsod kan 1797, saro sa anom na orihinal na fragata na pigautorisar ipatugdok susog sa ri'gon kan Naval Act of 1794 asin ini an ikatolo na nahaman. An pangaran na "Constitution" iyo an saro sa sampolong pangaran ipigsumitir ki Presidente George Washington kan si Sekretaryo nin Gera na si Timothy Pickering kan Marso kan 1795 para sa mga fragata na ikokonstruir.[1][2]Si Joshua Humphreys pigdesenyo an mga fragata na iyong magin mayor na mga bapor kan Pwersang Pandagat, kaya an Constitution asin mga kasarabay kaining mga bapor mas darakula asin mas armado kesa sa ordinaryong fragata kan mga panahon na idto. Ini natugdok sa astillerang Edmund Hartt sa North End kan Boston, Massachusetts. Inot niyang saro sa mga katongdan iyo an magbantay asin magtaong proteksyon sa mga Amerikanong maritimong layagan na pangkomersyo durante kan inapod na Quasi-War kontra Pranses asin sa pagsupil kan mga piratang Barbary duman sa Inot na Gerang Barbary.

Toltolan[baguhon | baguhon an source]

  1. Pickering, Timothy (14 March 1795). Letter to George Washington. Founders Online, National Archives. Retrieved 25 September 2019
  2. Brodine, Charles E.; Crawford, Michael J.; Hughes, Christine F. (2007). Ironsides! the Ship, the Men and the Wars of the USS Constitution (in English). Fireship Press. p. 8. ISBN 9781934757147.