Umrah
An Umrah (Arabe: عُمْرَة 'magbisita sa matawong lugar') iyo an sarong Islamikong pilgrimage pasiring sa Meka (an pinakabanal na syudad para sa mga Muslim, manonompongan sa rehiyon nin Hejazi sa Saudi Arabia) na pwedeng isagibo dawa anong oras kan taon, bilang kabaliktaran kan Hajj[1] na igwa nin espesipikong petsa segun sa Islamikong kalendaryong lunar.
Sa pagsunod sa Shariah (ley kan Islam), an parehong pilgrimage, an sarong Muslim dapat nguna mag-assume nin Ihram, sarong estado nin pagkadalisay na nakakamit sa paagi kan pagkompleto sa ritwal nin paglinig, sulot an hinahagad na gubing, asin pagpundo sa nagkapirang aksyon. Ini dapat makamit kapag naabot an sarong Miqat, sarong pangenot na punto nin kasagkoran kan Meka, siring kan Dhu 'l-Hulaifah, Juhfah, Qarnu 'l-Manāzil, Yalamlam, Zāt-i-'lrq, Ibrahīm Mursīyah, o sarong lugar sa Al-Hill. Manlaenlaen na kondisyon an nag-eeksister para sa mga biyahero sa eroplano, na dapat na obserbaran an Ihram kapag nakalaog na sa espesipikong perimetro kan syudad.
An Umrah nangangaipo na dapat an mga Muslim nagsasagibo nin duwang importanteng ritwal, iyo an Gawad asin Sa'i. An Tawaf iyo an pag-ikot sa palibot kan Kaaba. Para sa mga lalaki, pigrerekomendar na enot na gibohon iyo an primerong tulong pag-ikot sa palibot nin marikas, sunod an apat na beses na maluway na pag-ikot sa palibot. Ini sinusundan nin Sa'i sa pag'oltanan kan Safa asin Marwah sa Dakulang Masjid kan Mecca, sarong paglakaw nganing salinguyon an paghanap ni Hagar sa tubig para sa saiyang aki asin an pagkaherak nin Diyos sa pagsimbag sa pamibi. An mga pilgrims kino-conclude an pilgrimage kaiba an Halq, sarong parsyal o kompleto na pagpahalipot nin buhok.
An Umrah kun minsan kinokonsiderar na 'mas sadit na pilgrimage', sa siring na sentido, ini bakong kompulsaryo, alagad ini rinerekomendar man giraray. Ini heneralmente nakokompleto sa laog nin dikit na oras, bilang pagkokomparar sa Hajj, na posibleng aboton nin dikit na aldaw. Ini bako man giraray boot sabihon na panribay sa Hajj. Minsan siring, an duwang ini iyo an demonstrasyon kan solidaridad kan mga Muslim, asin an saindang pagpapasakop ki Allah (Diyos).
