Jump to content

Unibersal na akses sa edukasyon

Gikan sa Bikol Sentral na Wikipedia, an talingkas na ensiklopedya
An mga estudyante asin mga paratukdo sa Ghana sa sarong parada para sa inklusibong edukasyon.

An unibersal na akses sa eduksyon[1] iyo an abilidad kan gabos na tawo na magkaigwa nin pantay-pantay na oportunidad sa edukasyon, ano man an saindang sosyal na klase, rasa, sekso, etnikong pinaghalean o pisikal asin mental na mga kapansanan.[2] An termino ginagamit pareho sa pag-ako sa kolehiyo para sa katahawan asin ibabang klase, asin sa tabang kan teknolohiya[3] para sa mga may kapansanan. An nagkapirang kritiko naghohona na an kaugalean na ini sa mas halangkaw na edukasyon, na kontra sa estriktong merito, nagbubunga nin mas hababang akademikong mga pamantayan.[4] Tanganing magin pasil an pagkua nin edukasyon sa gabos, an mga nasyon igwa nin karapatan sa edukasyon.[5]

An Unibersal na pagkua nin edukasyon nag-hihikayat nin lain-lain na pamamaagi nin pedagohikal tanganing mahaman an pagpalakop nin kaaraman sa ibong kan pagkalain-lain nin sosyal, kultural, ekonomiko, nasyonal asin biolohikong pinaghalean. Sa inisyal na pagpauswag na igwang tema sa pantay-pantay na oportunidad na magkaigwa nin pantay na pinagadalan o pisikal asin mental na mga deperensya, an mga tema na namamahala sa unibersal na paagi sa edukasyon naghiwas na ngunyan sa gabos na klase nin abilidad asin pagkalain-lain. Siring pa man, an pakahulugan sa pagkalain-lain mismo sarong mahiwas na kombinasyon, an mga paratukdo na naggigibo nin unibersal na paagi padagos na mapapaatubang sa mga kadipisilan asin an mga pagbabago sa saindang leksyon na plano tanganing mapauswag an mga tema nin pantay-pantay na oportunidad sa edukasyon.[6]

Mantang an unibersal na paagi padagos na iniiba sa sistema nin edukasyon kan US,[7] hinahagad sa mga propesor asin instruktor sa grado kan kolehio (sa nagkapirang pangyayari paagi sa batas) tanganing isipan liwat an mga paagi nin pagresolber sa unibersal access sa saindang klasrum. An unibersal na access sa edukasyon pwedeng magdagdag nin mga probisyon sa iba-ibang metodo sa pag-assess kan nanudan kan lambang estudyante kalakop an retensyon kani. Halimbawa, tanganing maaraman an nanodan sa materyal, pwedeng siyasaton nin sarong propesor an estudyante sa paagi nin komprehensibong eksaminasyon, kabtang na eksaminasyon, portfolios, pananaliksik, pagbasa asin pagsusuri, oral na eksam, mga gibuhon sa harong.[8] An pagtao nin iba-ibang paagi na masala kan pagkanuod asin pagtanda kan lambang estudyante makakatabang sa pag-aram kan mga kakulangan sa unibersal na access asin makakatao nin mga paagi para mapauswag an unibersal na access.

Susugan[baguhon | baguhon an source]

  1. "Universal Access to Primary Education - World Affairs Council". www.wacphila.org. Retrieved 2018-07-01.
  2. "Universal Access to Learning Improves all Countries | Global Campaign For Education United States Chapter". Global Campaign For Education United States Chapter. Retrieved 2018-07-01.
  3. "Definition of Assistive Technology". www.gpat.org. Retrieved 2018-07-01.
  4. MacDonald, Heather (Spring 2018). "How Identity Politics Is Harming the Sciences". City Journal. Manhattan Institute. Retrieved 12 June 2018. Lowering standards and diverting scientists’ energy into combating phantom sexism and racism is reckless in a highly competitive, ruthless, and unforgiving global marketplace.
  5. "Understanding education as a right". Right to Education Initiative. Retrieved 2018-07-01.
  6. "Equal Right, Equal Opportunity – Inclusive Education for All | Education". www.unesco.org. Retrieved 2018-07-01.
  7. "Progress for America's Children | U.S. Department of Education". www.ed.gov. Retrieved 2018-07-01.
  8. "Methods of assessment". www.brookes.ac.uk. Retrieved 2018-07-01.