Unibersidad Teknolohikal kan Cebu
An Unibersidad Teknolohikal kan Cebu o Cebu Technological University, pinapalipot bilang CTU asin bisto man bilang Cebu Tech, iyo sarong pampubliko, dae-sektaryano, koedukasyonal, pinapadalagan kan estado na institusyon nin halangkaw na edukasyon na namomogtak sa Cebu, Filipinas. An CTU iyo orihinal na parte kan Filipinong pampublikong halangkaw na paadalan na sistema asin ginikanan an Manual Arts na departamento kan Cebu Normal School (ngunyan an Cebu Normal University), asin naitogdas nin independente kan 1911 bilang an Cebu Trade School. Kan 1928, an institusyon pigbukasan an sadiri kaining kampus harani sa Puerto kan Cebu, kun sain an panginot na kampus kaini minatindog pa sa ngunyan.
An unibersidad, poon pa sa pagkakamokna kaini kan 1911, iyo nagligad na bisto bilang an Cebu Trade School, Cebu School of Arts and Trades, asin Cebu State College of Science and Technology, hasta kan 2009, sa rigon kan Akta Republika 9744, nagin na ining sarong unibersidad estatal, asin pinangaran na Cebu Technological University.[1]
Mga panluwas na takod[baguhon | baguhon an source]
Toltolan[baguhon | baguhon an source]
- ↑ "Republic Act No. 9744". officialgazette.gov.ph. November 10, 2009. Archived from the original on April 21, 2023. Retrieved December 8, 2022.
