Urig-Urig

An mga urig-urig miyembro kan pamilyang insekto Gryllotalpidae, sa order na Orthoptera (mga lukton, mga duron, asin mga duli-duli). An mga urig-urig igwang hawak na silindrikal, insektong "fossorial" mga 3-5 sentimetro (1.2-2.0 m) an laba arog kan nasa edad na, may saradit na mga mata asin garo palang mga kalamias na daradakula na ginagamit sa pagkalot. Naheheling sinda sa dakol na parte kan kinaban asin kun saen na mga rehiyon, tibaad magin peste sa agrikultura.

An mga urig-urig may tolong tangga nin buhay: sogok, "nymphs", asin adulto. Kadaklan kan saindang buhay sa mga tanggang ini minadanay nin patago, alagad an mga nasa edad na may pakpak asin minarabas kun tig - aporoon. Iba-iba an saindang pagkakan: may mga "species" na "herbivores", pangenot na nagkakakan nin gamot; an iba "omnivores", kaiba an ulod asin "grubs" sa saindang dyeta; asin pira sana nanggad an naniniba. An mga urig-urig igwa nin pambihirang makosog na awit; sinda nagkakanta hale sa sarong bubon na minabukad paluwas sa porma nin sungay. An bura kaini haros purong tono, minaluya sa mga riwit. Ginagamit ini sa pagganyat nin mga babayi, magin man para sa paghikal, o sa indikasyon ning paghanap kan an saindang susugokan.