Vadim Moshkovich
| Vadim Moshkovich | |
|---|---|
 | |
| Kamundagan | 6 Abril 1967 Moscow, USSR |
| Pagkahimanwa | Cyprus Russian |
| Edukasyon | MIREA - Russian Technological University |
| Trabaho | Chairman of the board of directors |
| Organisasyon | Rusagro Group |
Si Vadim Moshkovich (Ruso: Вадим Николаевич Мошкович, born 1967 in Moscow, Russia) sarong Rusong bilyonaryong negosyante.[1] An saiyang mga mayor interes sa negosyo yaon sa agrikultura asin real estate. Kan 2014, an Forbes na magasin tinantyang an saiyang net worth nag'aabot $1.3bn, ika-81ng lugar sa pagranggo sa pag'ultan kan mga mayayaman na Rusong negosyante.[2]
Kaamayi nin buhay asin pamilya
[baguhon | baguhon an source]Si Vadim Moshkovich namundag sa pamilyang mga Hudyo sa Mosku kan 1967. Siya nag'atender sa matematikalna eskwelahan №57 sa Mosku, asin naggradwar sa Moscow State Institute of Radio Engineering, Electronics and Automation kan 1992. Siya may agom asin may tolong aki.[2]
Karera sa negosyo
[baguhon | baguhon an source]Agrikultura
[baguhon | baguhon an source]Si Moshkovich nagtapsok sa negosyong agrikultural kan 1995, na nagpoon siya sa pag'importar nin asukar. Poon 1997-2003 nag'asikaso na siyang makasadiri nin mga plantang nagpoproseso nin asukar, asin kan 2004 nagtugdas siya kan grupong Rusagro Group. An kompanya niyang ini nagdakula asin nagin saro sa pinakadakulang negosyong agrikutural sa Rusya, na vertical an integrasyon, nagpupungsyon sa apat na kabtang nin operasyon:[3] Kan 2011, Rosagro Plc. (mayor na holding company kan Rusagro Group) nagtangro' nin IPO sa London Stock Exchange, na bunga kaini nakaamot puhunan na $300 million.[4] Si Moshkovich sa presente may kapot na 75% na pagrorogaring sa kompanya.
Real estate development
[baguhon | baguhon an source]Si Moshkovich may kontrol kan Masshtab, saro sa pinakadakulang development company sa Rusya, na nakapokus sa New Moscow (Novaya Moskva), na an kahiwasan na ini nahamil kan Siyudad nin Mosku kan Hulyo 2012.[5] An kompanya may pagsasadiring sobra sa 2,580 na ektarya sa New Moscow.[6] Sa paglaog sa sektor nin real estate, an Mashtab pigkontrata an McKinsey & Company sa pag'adal kun arin an pinakaprogresibo asin asensadong mga siyudad sa kinaban. An mga adal na ini nagresulta sa develppment plan na, sa paglitik sa post-Sobyet na praktis; tuyong nagmukna nin espasyong urban na bako sana matao nin bagong mga residentyal na bloke, kundi mawaras nin mga maninigong mga sosyal asin transport na impraestruktura saka pasilidad na magmumukna nin mga bagong trabaho ayog sa pinakamarayrahay na praktis sa kinaban. Si Moshkovich sinambit an Syudad nin Irvine, California bilang sarong ehemplo nin mahusay na naplanong siyudad nakalugar sa dati dagang agrikultural, asin ini padagos na nag'aagkay nin mga residente asin nagtataong mga trabahong lokal.[7] Kan 2013, si Moshkovich nagdonar nin 307 na ektaryang daga sa Syudad nin Mosku na tutugdokan nin mga edipisyo administrtatibo para sa sentro kan gobyerno sa New Moscow.[6]
Sinapawan sanction kan EU
[baguhon | baguhon an source]Kan 10 Marso 2022, si Moshkovich sinakop nin sanction kan Unyon Europeo.[8]
Toltolan
[baguhon | baguhon an source]- ↑ Unit, Al Jazeera Investigative. "How rich Russians turned Cyprus into 'Moscow on the Med'". www.aljazeera.com.
- ↑ 2.0 2.1 "Вадим Мошкович". www.forbes.ru. Retrieved 3 March 2022.
- ↑ "Rusagro: Home". www.rusagrogroup.ru. Retrieved 3 March 2022.
- ↑ "Rusagro: About us". www.rusagrogroup.ru. Retrieved 3 March 2022.
- ↑ "New Moscow: Plans afoot to double the size of Russia's capital". New Atlas. 14 September 2012. Retrieved 3 March 2022.
- ↑ 6.0 6.1 "Vedomosti". www.vedomosti.ru. Retrieved 3 March 2022.
- ↑ "Вадим Мошкович: "Я подостыл к зарабатыванию денег"". www.vedomosti.ru. Retrieved 3 March 2022.
- ↑ Forbes: EU Targets Three More Russian Billionaires In Latest Wave Of Sanctions, March 2022
