Victoria Amelina

Gikan sa Bikol Sentral na Wikipedia, an talingkas na ensiklopedya
Victoria Amelina
Katutubong ngaranВікторія Амеліна
MinundaganViktoriya Yuryivna Amelina
(1986-01-01)1 Enero 1986
Lviv, Ukrainian SSR, USSR
Kagadanan1 Hulyo 2023(2023-07-01) (edad 37)
Dnipro, Ukraine
Kasibotannobelista, essayist
NasyunalidadUkrainian
GenreUkrainian literature
Hirong pagsuratkaapil sa PEN International
Bantog na giboFall Syndrome (2014)
Dom's Dream Kingdom (2017)
Mga bantog na gawadJoseph Conrad Literary award, European Union Prize for Literature short-list

Si Victoria Yuriyivna Amelina (Ukrainian: Вікторія Юріївна Амеліна; 1 Enero 1986 – 1 Hulyo 2023) sarong Ukranyanong nobelista. Siya an kagsurat kan duwang nobela asin sarong librong pan-aki, na nanggana kan Joseph Conrad Literary Award[1] asin pinalista sa European Union Prize for Literature .[2]

Kaamayi nin buhay asin edukasyon[baguhon | baguhon an source]

Si Victoria Amelina (née Shalamay) namundag sa Lviv kan 1 Enero 1986.[3] Siya naghubo' sa Kanada kaiba an saiyang pamilya kan siya nag'eedad pa sanang 14, dangan nagbalik sa Ukranya. Pakatapos makakua nin kurso sa computer science sa Lviv,[3] si Amelina pinu'nan an saiyang karera sa IT bago nagin lubos na parasurat asin pararawit kan taon 2015.[4]

Pagsurat[baguhon | baguhon an source]

Poon 2015, kan an saiyang enot na libro Синдром листопаду, або Homo Compatiens (The Fall Syndrome: about Homo Compatiens) napublikar, inubos na niya an saiyang oras sa pagsurat na nanggad. An enot niyang pambungsod na nobela nagsentro sa mga pangyayari sa Maidan kan 2014; an pataratara ngani kaini sinurat ni Jurij Izdryk. An nobela nakaresibe nin magkapirang literaryong premyo, asin maogmang pigresibi kan mga kritiko asin mga iskolar sa Ukranya asin sa kahiwasan kan Europa.[5][6]

Kan 2016, si Amelina nagpublikar nin librong pan-aki inapod Хтось, або водяне серце (Somebody, or Water Heart).[3]

Kan 2017, siya nagpublikar nin nobela tituladong Дім для Дома[3] (Dom's Dream Kingdom) manongod sa sarong pamilya nin sarong Sobyet na koronel na kan mga taon 1990 nag'estar sa apartment kan Polakong autor na Hudyong-gikan si Stanisław Lem.[7][8] An nobela napabali sa halipot na lista para sa LitAkcent literary award kan 2017[7] asin sa Premyo nin European Union para sa Literatura kan 2019.[9]

Buhay personal/kagadanan[baguhon | baguhon an source]

Sagkod 2022, si Amelina nag'eestar sa Kyiv.[10] Kan Hunyo 27 2023, siya nalugadan durante kan Rusong pag'atake sa Kramatorsk mantang siya nagkakakan sa RIA Pizza.[11][12] Si Amelina nagadan huli kan saiyang mga lugad kan 1 Hulyo sa Mechnikov Hospital duman sa Dnipro. Siya edad 37.[13][14]

Toltolan[baguhon | baguhon an source]

  1. ↑ "The Conrad Literary Award granted by the Polish Institute in Kyiv". 17 December 2021. 
  2. ↑ "Eurozine". 31 March 2022. 
  3. ↑ 3.0 3.1 3.2 3.3 "Amelina Victoria". PEN Ukraine (in English). April 2022. Retrieved 2023-06-01. 
  4. ↑ "Victoria Amelina, war crimes researcher, killed in missile attack". www.aljazeera.com (in English). Retrieved 2023-07-03. 
  5. ↑ "Eastern partnership literary review 2015/ 2". Issuu.com. 16 March 2016. Retrieved 2017-08-18. 
  6. ↑ "Empathy – the only thing that will save us : anthropology of Homo Compatiens in the novel of Victoria Amelina". Aesthetic-potential.com. 1 December 2015. Archived from the original on 14 August 2017. Retrieved 2017-08-18.  Unknown parameter |url-status= ignored (help)
  7. ↑ 7.0 7.1 Szablatura, Martin. "Victoria Amelina: Pouze literatura | MAČ2017". brno.mac365.cz (in Czech). Retrieved 2019-05-10. [gadan na takod]
  8. ↑ "Wrocław in the City of Lem. The beginning of an international seminar". Wroclaw2016.pl. Retrieved 2017-08-18. 
  9. ↑ "EUPL 2019 shortlisted candidates — European Union Prize for Literature". www.euprizeliterature.eu. Archived from the original on 7 May 2019. Retrieved 2019-05-07.  Unknown parameter |url-status= ignored (help)
  10. ↑ Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na independent
  11. ↑ "Ukrainian writer Victoria Amelina in hospital after Kramatorsk missile strike". Yahoo! News. 29 June 2023. https://news.yahoo.com/ukrainian-writer-victoria-amelina-hospital-154500977.html. 
  12. ↑ Graham-Harrison, Emma (30 June 2023). "Ukrainian author Victoria Amelina critically injured in Kramatorsk strike". The Guardian. ISSN 0261-3077. https://www.theguardian.com/world/2023/jun/30/ukrainian-author-victoria-amelina-critically-injured-in-kramatorsk-strike. 
  13. ↑ "Victoria Amelina, a Ukrainian writer, and our dearest colleague, passed away". 2 July 2023. 
  14. ↑ "Ukrainian writer dies after Kramatorsk strike". 2 July 2023. https://www.bbc.com/news/world-europe-66083275. Retrieved on 3 July 2023. 
Kinua sa "https://bcl.wikipedia.org/w/index.php?title=Victoria_Amelina&oldid=251350"